ଉମରକୋଟ ୧।୩: ଭାଇରାଲ ହେଉଛି ବିଡିଓଙ୍କ ଶ୍ରମିକ ସାଜିଥିବା ଭିଡିଓ । ଅସମ୍ପୂର୍ଣ୍ଣ ଭାବରେ ଛାଡି ଥିବା ପ୍ରଧାନମନ୍ତ୍ରୀ ଆବାସ ଯୋଜନା ଗୃହକୁ ସମ୍ପୂର୍ଣ୍ଣ କରିବା ପାଇଁ ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବିଡିଓ ଧର୍ମରାଜ ମାଝୀ ସାଜିଲେ ଶ୍ରମିକ । ବିଡିଓ ଧର୍ମରାଜ ମାଝୀଙ୍କ ଏଭଳି ମହତ କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।
{"id":231252,"sizeSlug":"large"}
ସୂଚନାଯୋଗ୍ୟ ଯେ, ଜମାଦାରପଡା ପଞ୍ଚାୟତ ପିପଲପଡା ଗ୍ରାମର ପ୍ରଧାନମନ୍ତ୍ରୀ ଆବାସ ଯୋଜନା ହିତାଧିକାରୀ ମକର ସୋରୀ ୨୦୧୯/୨୦ ଆର୍ଥିକ ବର୍ଷରେ ଘର ପାଇଥିଲେ । ସେ ମୂଳଦୁଆଠାରୁ ଛାତ ଉଠିବା ପର୍ଯ୍ୟନ୍ତ କାମ କରି ଛାଡି ଦେଇଥିଲେ । ଗୃହକାର୍ଯ୍ୟ ସମ୍ପୂର୍ଣ୍ଣ କରିବା ପାଇଁ ବ୍ଲକ୍ ଏବଂ ପଞ୍ଚାୟତ ତରଫରୁ ତାଙ୍କୁ ବାରମ୍ବାର କୁହାଯାଉଥିଲେ ମଧ୍ୟ ସେ କୁଲି ମିସ୍ତ୍ରୀ ନମିଳିବା କହି କଥାକୁ ଏଡାଇ ଚାଲିଥିଲେ ।
{"id":231253,"sizeSlug":"large"}
ଫଳରେ ଆଜି ବିଡିଓ ଧର୍ମରାଜ ମାଝୀ ପିପଳପଡା ଜାଇ ପିଇଓ ଲଛମନ ନିଆଳି ଏବଂ ଯୋଗାଣ ସହାୟକଙ୍କ ସହିତ ନିଜେ ହାତରେ ଘମେଲା ଧରି ଶ୍ରମିକଙ୍କ ପରି କାମ କରିଥିଲେ । ଉଭୟ ରାଜ୍ୟ ଓ କେନ୍ଦ୍ର ସରକାର ସମସ୍ତ ନାଗରିକଙ୍କୁ ପକ୍କା ଗୃହ ସୁନିଶ୍ଚିତ କରିବା ପାଇଁ ଅଗ୍ରାଧିକାର ଭିତ୍ତିରେ କାର୍ଯ୍ୟ କରୁଥିବା ବେଳେ କିନ୍ତୁ କିଛି ହିତାଧିକାରୀ ଗୃହ ନିର୍ମାଣ ନକରି ତା ପୂର୍ବରୁ ଗୃହ ନିର୍ମାଣ ବାବଦର ବିଲ ଉଠାଇ ଗୃହ ନିର୍ମାଣ ନ କରି ବର୍ଷ ବର୍ଷ ଧରି ଅସମ୍ପୂର୍ଣ୍ଣ ଅବସ୍ଥାରେ ଛାଡି ଦେଉଛନ୍ତି । ଗୃହ ନିର୍ମାଣ ପାଇଁ ପ୍ରଶାସନ ତରଫରୁ ଯେତେ ବୁଝାଇଲେ ମଧ୍ୟ କୌଣସି ହିତାଧିକାରୀ କର୍ଣ୍ଣପାତ କରୁନଥିବାରୁ ବିଡିଓ ଏଭଳି ପଦକ୍ଷେପ ନେବାକୁ ବାଧ୍ୟ ହୋଇଯାଇଛନ୍ତି ।
