ତାଇପେଇ ସିଟି ୧୦।୮: ଆମେରିକା ପ୍ରତିନିଧିସଭା ବାଚସ୍ପତି ନାନ୍ସୀ ପେଲୋସୀଙ୍କ ସଫଳ ତାଇୱାନ ଯାତ୍ରା ଚୀନ୍ ଆଖିରେ ଏବେ କଣ୍ଟା ପାଲଟିଛି। ପେଲୋସୀଙ୍କୁ ଅଟକାଇବାରେ ବିଫଳ ଚୀନ୍ ଏବେ ତାଇୱାନ ଉପକୂଳକୁ କ୍ଷେପଣାସ୍ତ୍ର ମାଡ଼ କରୁଛି। ଅଗଷ୍ଟ ୪ ତାରିଖରୁ ସମରାଭ୍ୟାସ ବାହାନାରେ ଚୀନ୍ ତାଇୱାନର ସବୁ ଉପକୂଳକୁ ଅବରୋଧ କରି ରଖିଛି। ଚୀନ୍ ସମରାଭ୍ୟାସ ଅବଧିକୁ ବୃଦ୍ଧି କରିଥିବା ବେଳେ ବୁଧବାର ତାଇୱାନ ପୂର୍ବ ଓ ପଶ୍ଚିମ ଉପକୂଳରେ ଗତିବଧି ବଢାଇଛି।
{"id":669070,"width":842,"height":473,"sizeSlug":"full","linkDestination":"none"}
୪ ଦିନରୁ ଅଧିକ କାଳ ହେଲା ତାଇୱାନ୍ ଷ୍ଟ୍ରେଟ୍ରେ ସମରାଭ୍ୟାସ କରୁଥିବା ଚୀନ୍ ଗତ ରବିବାର ଶେଷ ଅଭ୍ୟାସ କରିବାର ଥିଲା। ତେବେ ତାଇୱାନ ଉପକୂଳରୁ ଏବେ ହଟୁନି ଚୀନ୍। ସୋମବାର ଅଭ୍ୟାସ କାଳରେ ଚୀନ୍ ତାଇୱାନ ଉପକୂଳ ସମୁଦ୍ର ସମେତ ଭୂ-ଭାଗକୁ କ୍ଷେପଣାସ୍ତ୍ର ମାଡ଼ କରିବା ସହ ଯୁଦ୍ଧବିମାନ ବି ଉଡାଇଥିଲା। ଚୀନ୍ ପ୍ୟୁପିଲସ୍ ଲିବରେସନ ଆର୍ମି( ପିଏଲଏ)ର ଇଷ୍ଟର୍ଣ୍ଣ ଥିଏଟର କମାଣ୍ଡ ଏହି ସମରାଭ୍ୟାସ ମାଧ୍ୟମରେ ତାଇୱାନ ଉପରେ ଆକ୍ରମଣର ଅଭ୍ୟାସ କରୁଥିବା କହିଛି।
{"id":669071,"sizeSlug":"full","linkDestination":"none"}
ଏହି ଅଭ୍ୟାସରେ ଚୀନ୍ ସେନା ସମୁଦ୍ରରେ ବୁଡାଜାହାଜ ରୋଧୀ ଆକାଶରୁ ପୋତ ଉପରେ ଆକ୍ରମଣର କ୍ଷମତା ପରଖୁଥିବା କହିଛି। ଯାହା ଏବେ ଜାରି ରହିବ। ତେବେ ବୁଧବାର ତାଇୱାନ ଓ ଚୀନ୍ ସେନାର ପାଖାପାଖି ୨୦ଟି ଜାଜାହ ତାଇୱାନ ଷ୍ଟ୍ରେଟ୍ରେ ମୁହାଁମୁହିଁ ହୋଇଥିବାର ଦେଖାଯାଇଛି। ଏଥିରୁ ଚୀନ୍ ହରତକତରେ ତାଇୱାନ ମଧ୍ୟ ଏବେ ଅଣ୍ଟା ଭିଡିଥିବାର ଅନୁମାନ କରାଯାଉଛି। ଯଦି ଏହି ଉତ୍ତେଜନା ପ୍ରସମିତ ନ ହେଲା ତେବେ ଯୁଦ୍ଧରେ ରୂପାନ୍ତରିତ ହେବାର ଏବେ ଆଶଙ୍କା କରାଯାଉଛି।
