ମୁମ୍ୱାଇ ୧୮/୦୮: ଟିମ୍ ଇଣ୍ଡିଆର ଷ୍ଟାର ସ୍ପିନର ୟୁଜଭେନ୍ଦ୍ର ଚହଲ ଆଜିକାଲି ଦୀର୍ଘଦିନର ବିରତି ପରେ କ୍ରିକେଟ୍କୁ କମବ୍ୟାକ୍ କରୁଛନ୍ତି । କିନ୍ତୁ ଏବେ ୟୁଜବେନ୍ଦ୍ର ଚହଲ ତାଙ୍କ ବ୍ୟକ୍ତିଗତ ଜୀବନକୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି । ନିକଟରେ ୟୁଜବେନ୍ଦ୍ର ଚହଲ ତାଙ୍କ ଇନଷ୍ଟାଗ୍ରାମରେ ଏକ କାହାଣୀ ସେୟାର କରିଛନ୍ତି । ଯାହା ପରେ ତାଙ୍କ ବିବାହ ସହ ଅନେକ କିଛି ଘଟିଥିବା ଆଶଙ୍କା କରାଯାଉଛି ।
wp:gallery {"linkTo":"none"}
ବାସ୍ତବରେ, ୟୁଜବେନ୍ଦ୍ର ଚହଲଙ୍କ ପତ୍ନୀ ଧନଶ୍ରୀ ବର୍ମା କିଛି ଦିନ ପୂର୍ବରୁ ଇନଷ୍ଟାରେ ନାମ ପରିବର୍ତ୍ତନ କରିଥିଲେ । ପୂର୍ବରୁ ସେ ଧନଶ୍ରୀ ବର୍ମା ଚହଲ ଲେଖୁଥିଲେ, କିନ୍ତୁ ବର୍ତ୍ତମାନ ସେ କେବଳ ଧନଶ୍ରୀ ବର୍ମା ଲେଖିବା ଆରମ୍ଭ କରିଛନ୍ତି । ଏହି ପରିବର୍ତ୍ତନ ପରେ ୟୁଜବେନ୍ଦ୍ର ଚହଲ ତାଙ୍କ ଇନଷ୍ଟାଗ୍ରାମରେ ଏକ କାହାଣୀ ସେୟାର କରିଥିଲେ ଯେଉଁଥିରେ ଏଥିରେ 'ନ୍ୟୁ ଲାଇଫ ଲୋଡିଂ' ଲେଖାଯାଇଥିଲା ।
ସୋସିଆଲ ମିଡିଆରେ ଏପରି ଉତ୍ତେଜନା ପରେ ଅନେକ କଳ୍ପନାଜଳ୍ପନା ଆରମ୍ଭ ହୋଇଛି । ଟ୍ୱିଟରରେ ଅନେକ ପ୍ରଶଂସକ ମଧ୍ୟ ଉଭୟଙ୍କ ସମ୍ପର୍କ ବିଷୟରେ ଆଲୋଚନା କରିଛନ୍ତି । ତେବେ ଏପର୍ଯ୍ୟନ୍ତ ଉଭୟଙ୍କ ଦ୍ୱାରା କୌଣସି ଅଫିସିଆଲ ଘୋଷଣା ହୋଇନି । ଏଭଳି ପରିସ୍ଥିତିରେ ଯାହା ବି ହେଉ, ସମସ୍ତେ ଏକ କଳ୍ପନାଜଳ୍ପନା ହେଉ ବୋଲି ଆଶା କରିଛନ୍ତି ।
wp:gallery {"linkTo":"none"}
ସୂଚନା ଥାଉକି, କରୋନା କାରଣରୁ ଦେଶରେ ଲକ୍ଡାଉନ ସମୟରେ ୟୁଜବେନ୍ଦ୍ର ଚହଲ ଏବଂ ଧନଶ୍ରୀ ବର୍ମା ବିବାହ ଫଟୋ ସେୟାର କରିଥିଲେ । ଡିସେମ୍ବର ୨୦୨୦ରେ ଉଭୟ ବିବାହ କରିଥିଲେ । ସୋସିଆଲ ମିଡିଆ ମାଧ୍ୟମରେ ପ୍ରଶଂସକମାନଙ୍କୁ ଏହା ବିଷୟରେ ଜଣାଇଥିଲେ । ସୂଚନା ଥାଉକି, ଧନଶ୍ରୀ ବର୍ମା ଗୋଟିଏ ଜଣାଶୁଣା କୋରିଓ ଗ୍ରାଫର । ସୋସିଆଲ ମିଡିଆରେ ତାଙ୍କର ଫ୍ୟାନ୍ସ ଫଲୋଅର ବି ଖୁବ ଢେର୍ ।
