ନୂଆଦିଲ୍ଲୀ: ଇଣ୍ଟରନେଟ୍ ୟୁଜର୍ସ ଆଗାମୀ ଦିନରେ ଅଧିକ ଉନ୍ନତ ସେବା ପାଇପାରିବେ । ଏଥିପାଇଁ ସରକାର ନୂଆ ନିୟମ ଆଣିଛନ୍ତି । କେନ୍ଦ୍ର ସରକାରଙ୍କ ପକ୍ଷରୁ ଭାରତରେ ସର୍ବନିମ୍ନ ଡାଉନଲୋଡ ବ୍ରଡବ୍ୟାଣ୍ଡ ସ୍ପିଡକୁ ବଢାଇ ଦେଇଛନ୍ତି । ଏପରିସ୍ଥିତିରେ ଟେଲିକମ୍ କମ୍ପାନି ଗୁଡିକୁ ୫୧୨kbps ପରବର୍ତ୍ତେ ୨Mbpsର ସର୍ବନିମ୍ନ ସ୍ପିଡ୍ ଉପଲବ୍ଧ କରାଇବାକୁ ପଡିବ । ଯାହା ବର୍ତ୍ତମାନର ସର୍ବନିମ୍ନ ସ୍ପିଡଠାରୁ ଏହା ଚାରି ଗୁଣା ଅଧିକ । ନୂଆ ନିୟମ ଅନୁସାରେ ପ୍ରତିଟି ଟେଲିକମ୍ ଅପରେଟରଙ୍କୁ ନିଜ ଗ୍ରାହକଙ୍କୁ ସେମାନଙ୍କ ବ୍ରଡବ୍ୟାଣ୍ଡରେ ୨Mbpsର ସର୍ବନିମ୍ନ ସ୍ପିଡ ଦେବାକୁ ବାଧ୍ୟ ହେବେ । ଭାରତ ସରକାର ୨Mbpsର ସ୍ପିଡ୍ ନିୟମକୁ ତତ୍କାଳ ପ୍ରଭାବରୁ ଲାଗି କରିଛନ୍ତି ।

ଭାରତ ସରକାର ଦେଶରେ ଡିଜିଟାଲ ଅର୍ଥବ୍ୟବସ୍ଥାକୁ ଅଧିକ ଗତି ଦେବାକୁ ଚାହୁଁଛନ୍ତି । ଏପରିସ୍ଥିତିରେ ଦୈନନ୍ଦିନ କାର୍ଯ୍ୟ ପାଇଁ ଏକ ନିର୍ଦ୍ଧାରିତ ନିଣ୍ଟରନେଟ ସ୍ପିଡ୍ ରହିବା ଦରକାର । ଟ୍ରାଇ ମଧ୍ୟ ସର୍ବନିମ୍ନ ବ୍ରଡବ୍ୟାଣ୍ଡ ସ୍ପିଡକୁ ୫୧୨kbpsରୁ ବଢାଇ ୨Mbps କରିବା ପାଇଁ ପରାମର୍ଶ ଦେଇଥିଲା ।

ଟ୍ରାଇର ଡାଟା ଅନୁସାରେ ୨୦୨୨ ନଭେମ୍ୱର ଶେଷ ସୁଦ୍ଧା ମୋଟ ୮୨୫.୪ ମିଲିୟନ ବ୍ରଡବ୍ୟାଣ୍ଡ ଗ୍ରାହକ ଥିଲେ, ଏଥିରୁ ୭୯୩.୫ ମିଲିୟନ ୱାୟାରଲେସ ୟୁଜର୍ସ ଥିଲେ । ଅନ୍ୟ ଗ୍ରହାକ ୱାୟରଲାଇନ ଇଣ୍ଟରନେଟ ବ୍ୟବହାର କରୁଥିଲେ ।