Hari omm 2
hari om films
AKK 2023
AKK2023
HARI-OMM_728X90_B
Showcase2022
hari om films
WEB_F-8
WEB_F-9
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡାରେ କ୍ରାଇମବ୍ରାଞ୍ଚ ତନାଘନା, ଗୁଳିମାଡ଼ ସ୍ଥାନରେ ମେଟାଲ ଡିଟେକ୍ଟର ଯାଞ୍ଚ
  • ||
  • କଟକ: ସବ ରେଜିଷ୍ଟ୍ରାର ଅଫିସରେ ଅଗ୍ନିକାଣ୍ଡ, ରେକର୍ଡ ରୁମ୍‌ରେ ଲାଗିଲା ନିଆଁ
  • ||
  • ଭୁବନେଶ୍ୱର: ଜେଲ୍‌ରେ ପରୀକ୍ଷା ଦେବେ ଅର୍ଚ୍ଚନା, ଅନୁମତି ଦେଇଥିଲେ କୋର୍ଟ
  • ||

ଭିଆଇପି ହଜ୍ କୋଟା ଶେଷ ନିଷ୍ପତ୍ତି; କେନ୍ଦ୍ରମନ୍ତ୍ରୀ ସ୍ମୃତି ଇରାନୀ କହିଲେ- ଦେଶରେ ଶେଷ ହେଉଛି ଭିଆଇପି ସଂସ୍କୃତି

12/01/2023 at 6:07 PM

ନୂଆଦିଲ୍ଲୀ: ଭିଆଇପି ହଜ୍ କୋଟା ଶେଷ କରିବା ନେଇ କେନ୍ଦ୍ର ସରକାର ନେଇଥିବା ନିଷ୍ପତ୍ତି ଉପରେ ଆଜି ପ୍ରତିକ୍ରିୟା ରଖିଛନ୍ତି କେନ୍ଦ୍ରମନ୍ତ୍ରୀ ସ୍ମୃତି ଇରାନୀ। ଦେଶରେ ଭିଆଇପି ସଂସ୍କୃତି ଶେଷ ହେବାକୁ ଯାଉଛି ବୋଲି ଇରାନୀ କହିଛନ୍ତି।

ସଂଖ୍ୟା ଲଘୁ ମନ୍ତ୍ରାଳୟ ଓ ଦେଶର ବଡ଼ ବଡ଼ ସାମ୍ବିଧାନିକ ପଦରେ ଥିବା ଲୋକମାନଙ୍କୁ ଏହି ହଜ୍‌ କୋଟାର ସୁବିଧା ମିଳୁଥିଲା। ଫଳରେ ଏଥିରୁ ସାଧାରଣ ଲୋକଙ୍କ ପାଇଁ ଅନ୍ୟାୟ ହେଉଥିଲା। ଏବେ ଏହି ପ୍ରଥାକୁ ଉଚ୍ଛେଦ କରିବାକୁ କେନ୍ଦ୍ର ସରକାର ଯୋଜନା କରୁଛନ୍ତି।

ଏହି ଯୋଜନାରେ ପ୍ରଧାନମନ୍ତ୍ରୀ, ରାଷ୍ଟ୍ରପତି, ଉପରାଷ୍ଟ୍ରପତି, ସଂଖ୍ୟା ଲଘୁ ମନ୍ତ୍ରାଳୟ ଏବଂ ହଜ୍‌ କମିଟିର ବଡ଼ ବଡ଼ ପଦବୀ ଅଧିଷ୍ଟ ଲୋକଙ୍କୁ ଏହି କୋଟାରେ ହଜ୍ ଯିବାକୁ ସୁବିଧା ମିଳୁଥିଲା। ଏଥିରେ ପାଖାପାଖି ୫୦୦ ଲୋକ ସାମିଲ୍ ଥିଲେ। ଏପରି ହେବା ଫଳରେ ସାଧାରଣ ଲୋକଙ୍କ ପାଇଁ ଏହା ଅନ୍ୟାୟ ହେଉଥିଲା।

ଏନେଇ ପ୍ରତିକ୍ରିୟା ଦେଇ ସ୍ମୃତି ଇରାନୀ କହିଛନ୍ତି ଯେ ପ୍ରଧାନମନ୍ତ୍ରୀ ଓ ରାଷ୍ଟ୍ରପତି ନିଜର ହଜ୍‌ କୋଟାକୁ ପରିତ୍ୟାଗ କରିବା ଦେଶରେ ଭିଆଇପି ସଂସ୍କୃତିର ଶେଷ ହୋଇଛି ବୋଲି ସଂକେତ। ଅତୀତରେ ମଧ୍ୟ ପ୍ରଧାନମନ୍ତ୍ରୀ ମୋଦୀ ଏମିତି କିଛି ଭିଆଇ ସଂସ୍କୃତିକୁ ଉଚ୍ଛେଦ କରିବା ଦିଗରେ ପଦକ୍ଷେପ ନେଇଛନ୍ତି। ଏଥିରେ ନେତା ଓ ବିଶେଷ ସରକାରୀ କର୍ମଚାରୀଙ୍କ ଗାଡ଼ିରେ ନାଲି ବତୀ ହଟାଇବା ମଧ୍ୟ ସାମିଲ ରହିଛି।  

ସୂଚନା ଥାଉକି ଭିଆଇପି ହଜ୍ କୋଟା ୫୦୦ ଭିଆଇପିଙ୍କୁ ସୁବିଧା ମିଳୁଥିଲା। ଏଥିରେ ରାଷ୍ଟ୍ରପତିଙ୍କ କୋଟାରେ ୧୦୦ଟି ଆସନ ଥିବା ବେଳେ ଉପରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କର ୭୫ ଓ ସଂଖ୍ୟା ଲଘୁ ମନ୍ତ୍ରୀଙ୍କର ୫୦ ଆସନ ରହିଥିଲା। ତା ସହିତ ୨୦୦ ଆସନ ହଜ କମିଟି ଅଫ୍ ଇଣ୍ଡିଆ ପାଇଁ ରହିଥିଲା। ଖୁବ୍‌ଶୀଗ୍ର ନୂଆ ହଜ୍ ନୀତି ଘୋଷଣା ହେବ ବୋଲି ସରକାରଙ୍କ ପକ୍ଷରୁ କୁହାଯାଇଛି।

   Related Posts