ନୂଆଦିଲ୍ଲୀ: କେନ୍ଦ୍ର ସରକାର ଋଣରେ ବୁଡିଥିବା ଭୋଡାଫୋନ ଆଇଡିଆର ୧୬,୧୩୩ କୋଟି ଟଙ୍କାର ଅଧିକ ବକେୟକୁ ଇକ୍ୱିଟିରେ ପରିବର୍ତ୍ତନ କରିବାକୁ ମଞ୍ଜୁରୀ ଦେଇଛନ୍ତି । ସରକାରଙ୍କୁ ୧୦ ଟଙ୍କା ଫେସ ଭେଲ୍ୟୁ ଥିବା ଇକ୍ୱିଟି ସେୟାର ଏହି ମୂଲ୍ୟର ଜାରି କରାଯିବ ।

ଭୋଡାଫୋନ ଆଇଡିଆ ଶୁକ୍ରବାର ସେୟାର ବଜାରକୁ କହିଛି, ଦୂରସଂଚାର ମନ୍ତ୍ରାଳୟ ଆଜି ଫେବ୍ରୁଆରୀ ୩, ୨୦୨୩ରେ ଏକ ଆଦେଶ ପାରିତ କରିଛି । କମ୍ପାନିକୁ ନିର୍ଦ୍ଦେଶ ଦିଆଯାଇଛି ଯେ ସେ ସ୍ପେକ୍ଟ୍ରମ ନିଲାମୀର କିସ୍ତି ଦେବାରେ ବିଫଳ ହେବାରୁ ଏହାସହ ଜଡିତ ସୁଧ ଏବଂ ଏଜିଆର ବକେୟାକୁ ଇକ୍ୱିଟିରେ ପରବର୍ତ୍ତନ କରି ଭାରତ ସରକାରଙ୍କୁ ଜାରି କରାଯାଉ । ୨୦୨୧ରେ ସରକାରଙ୍କ ଦ୍ୱାରା ଘୋଷିତ ସୁଧାର ପ୍ୟାକେଜ ଅଧିନରେ କମ୍ପାନିକୁ ଏହି ଆଶ୍ୱସ୍ତି ମିଳିଛି ।

ଭୋଡାଫୋନ ଆଇଡିଆର ସୂଚନା ଅନୁସାରେ, ଇକ୍ୱିଟି ସେୟାରରେ ପରିବର୍ତ୍ତିତ ହେବାକୁ ଥିବା ମୋଟ ରାଶି ୧୬୧୩୩,୧୮,୪୮,୯୯୦ ଟଙ୍କା । କମ୍ପାନିକୁ ୧୦ ଟଙ୍କା ଫେସ ଭେଲ୍ୟୁର ୧୬୧୩,୩୧,୮୪,୮୯୯ ଇକ୍ୱିଟି ଜାରି କରିବାକୁ ନିର୍ଦ୍ଦେଶ ଦିଆଯାଇଛି । ଏହାର ଇଶ୍ୟୁ ପ୍ରାଇସ୍ ମଧ୍ୟ ୧୦ ଟଙ୍କା ରହିବ । ଭୋଡାଫୋନ ଆଇଡିଆ ଏହା ପୂର୍ବରୁ କହିଥିଲା ଯେ ବକେୟା ରାଶିକୁ ଇକ୍ୱିଟିରେ ପରିବର୍ତ୍ତନ ପରେ ସରକାରଙ୍କ ନିକଟରେ କମ୍ପାନିର ପ୍ରାୟ ୩୫ ପ୍ରତିଶତ ମାଲିକାନ ରହିବ ।