ସୁପ୍ରିମକୋର୍ଟରେ ୫ ନୂଆ ଜଜ୍‌ଙ୍କ ନିଯୁକ୍ତିକୁ ମଞ୍ଜୁର କଲେ କେନ୍ଦ୍ର ସରକାର

Published By : Prameya-News7 Bureau | February 04, 2023 IST

ନୂଆଦିଲ୍ଲୀ ୪।୨: କେନ୍ଦ୍ର ସରକାରଙ୍କ ପକ୍ଷରୁ ଶନିବାର ସୁପ୍ରିମକୋର୍ଟଙ୍କ ଲାଗି ୫ ବିଚାରପତିଙ୍କ ନାମ ମଞ୍ଜୁର କରାଯାଇଛି। ନିଯୁକ୍ତି ପ୍ରକ୍ରିୟାକୁ ନେଇ କାର୍ଯ୍ୟପାଳିକା ଓ ନ୍ୟାୟ ପାଳିବା ମଧ୍ୟରେ ଦୀର୍ଘ ଟଣା ଓଟରା ପରେ ଏହି ମଞ୍ଜୁରୀ ମିଳିଛି। ଶୀର୍ଷ ନ୍ୟାୟାଳୟଙ୍କ କଠିନ ପ୍ରଶ୍ନର ସାମ୍ନା କରି କେନ୍ଦ୍ର ସରକାର ଦିନକ ପୂର୍ବରୁ ଉଚ୍ଚ ନ୍ୟାୟାଳୟଙ୍କ ୫ ନ୍ୟାୟାଧୀଶଙ୍କ ପଦୋନ୍ନତି ଲାଗି କଲେଜିୟମ ଭାବେ ଜଣାଶୁଣା ବିଚାରପତିଙ୍କ ପ୍ୟାନେଲର ଲମ୍ବିତ ସୁପାରିଶର ଘୋଷଣା ରବିବାର ସୁଦ୍ଧା କରିଦିଆଯିବ ବୋଲି ପ୍ରତିଶ୍ରୁତି ଦେଇଥିଲେ। 

ଜଷ୍ଟିସ୍ ଏସ.କେ.କୌଲ ଓ ଜଷ୍ଟିସ୍ ଏ.ଏସ୍. ଓକାଙ୍କ ପୀଠ ଉଚ୍ଚ ନ୍ୟାୟାଳୟଙ୍କ ବିଚାରପତିଙ୍କ ବଦଳି ସୁପାରିଶକୁ ମଞ୍ଜୁରୀ ଦେବାରେ ବିଳମ୍ବ ଲାଗି ଅସନ୍ତୋଷ ପ୍ରକାଶ କରିଥିଲେ। ପୀଠ ଏହାକୁ ଏକ ଗୁରୁତର ପ୍ରସଙ୍ଗବୋଲି କହିଥିବା ବେଳେ ଏହି ମାମଲାରେ କୌଣସି ପ୍ରକାରର ବିଳମ୍ବର ପରିଣାମ ଉଭୟ ପ୍ରଶାସନିକ ଓ ନ୍ୟାୟିକ ସମସ୍ୟାର ଗୁରୁତର କାରଣ ହୋଇପାରେ ବୋଲି ଚେତାବନୀ ଦେଇଥିଲେ।

{"id":741659,"width":838,"height":516,"sizeSlug":"full","linkDestination":"none"}

ଏ ନେଇ ଦୁଇଟି ପିଟିସନର ଶୁଣାଣିରେ ଶୀର୍ଷ ନ୍ୟାୟାଳୟ ଲାଗି ସୁପ୍ରିମକୋର୍ଟ କଲେଜିୟମଙ୍କ ସୁପାରିଶର ସ୍ଥିତି ସମ୍ପର୍କରେ ପଚରା ଯିବାରେ ଆଟର୍ଣ୍ଣି ଜେନେରାଲ ଆର.ଭେଙ୍କଟ ରମଣୀ ୫ ଜଜ୍‌ଙ୍କ ନିଯୁକ୍ତି ୱାରେଣ୍ଟକୁ ଖୁବ୍ ଶୀଘ୍ର ମୁଞ୍ଜୁରୀ ମିଳିପାରେ ବୋଲି କହିଥିଲେ।

କେନ୍ଦ୍ର ସରକାର ସୁପ୍ରିମକୋର୍ଟରେ ନିଯୁକ୍ତି ନିମନ୍ତେ ଯେଉଁ ୫ ଜଣ ଜଜ୍‌ଙ୍କୁ ମଞ୍ଜୁର କରିଛନ୍ତି ସେମାନଙ୍କ ମଧ୍ୟରେ ପଙ୍କଜ ମିଥଲ (ରାଜସ୍ଥାନ ହାଇକୋର୍ଟଙ୍କ ମୁଖ୍ୟ ନ୍ୟାୟଧୀଶ), ସଞ୍ଜୟ କରୋଲ (ପାଟନା ମୁଖ୍ୟ ନ୍ୟାୟାଳୟଙ୍କ ମୁଖ୍ୟ ନ୍ୟାୟାଧୀଶ), ପି.ଭି. ସଞ୍ଜିବ କୁମାର (ମଣିପୁର ହାଇକୋର୍ଟଙ୍କ ମୁଖ୍ୟ ନ୍ୟାୟାଧୀଶ), ଅହସାନୁଦ୍ଦିନ ଅମାନୁଲ୍ଲାହ (ପାଟନା ହାଇକୋର୍ଟଙ୍କ ନ୍ୟାୟାଧୀଶ) ଓ ମନୋଜ ମିଶ୍ର (ଏଲହାବାଦ ହାଇକୋର୍ଟଙ୍କ ଜଜ୍) ଅଛନ୍ତି।          

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.