ନୂଆଦିଲ୍ଲୀ: କେନ୍ଦ୍ର ସରକାର ଶୁକ୍ରବାର ୬ ୟୁଟ୍ୟୁବ ଚ୍ୟାନେଲକୁ ବ୍ଲକ କରିଛନ୍ତି । ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଚ୍ୟାନେଲ ଗୁଡିକ ଖାଲିସ୍ତାନୀ ସମର୍ଥିତ ଥିଲା । ସେ କହିଛନ୍ତି ଯେ କଥିତ ରୂପେ ଖାଲିସ୍ତାନ ସମର୍ଥନ ଭାବନାକୁ ବଢାଉଥିବା ୟୁଟ୍ୟୁବ ଚ୍ୟାନେଲ ଗୁଡିକୁ ସରକାରଙ୍କ ନିର୍ଦ୍ଦେଶ ପରେ ବ୍ଲକ୍ କରି ଦିଆଯାଇଛି ।

ସୂଚନା ଏବଂ ପ୍ରସାରଣ ସଚିବ ଅପୂର୍ବା ଚନ୍ଦ୍ରା କହିଛନ୍ତି ଯେ ଗତ ୧୦ ଦିନରେ ବିଦେଶରୁ ପରିଚାଳିତ ଛଅରୁ ଆଠ ୟୁଟ୍ୟୁବ ଚ୍ୟାନେଲକୁ ବ୍ଲକ କରି ଦିଆଯାଇଛି । ସେ କହିଛନ୍ତି ଯେ ପଞ୍ଜାବୀ ଭାଷାରେ ଭିଡିଓ କଣ୍ଟେଣ୍ଟ କରୁଥିବା ଚ୍ୟାନେଲ ସୀମାବର୍ତ୍ତୀ ରାଜ୍ୟରେ ଅଶାନ୍ତି ସୃଷ୍ଟି କରିବାକୁ ପ୍ରୟାସ କରାଯାଉଛି ।

ଅନ୍ୟ ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ୟୁଟ୍ୟୁବ ୪୮ ଘଣ୍ଟା ଭିତରେ ଚ୍ୟାନେଲ ଗୁଡିକୁ ବ୍ଲକ୍ କରିବା ନେଇ ସରକାରଙ୍କ ଅନୁରୋଧ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରୁଛି । ଅଧିକାରୀ କହିଛନ୍ତି ଯେ ସରକାରଙ୍କ ପକ୍ଷରୁ ୟୁଟ୍ୟୁବକୁ ଅର୍ଟିଫିସିଆଲ ଇଣ୍ଟେଲିଜେନ୍ସି ଏବଂ ଆଲଗୋରିଦ୍ଦମର ବ୍ୟବହାର କରିବାକୁ ନିର୍ଦ୍ଦେଶ ଦିଆଯାଇଛି । ଏହା ସାହାଯ୍ୟରେ ଆପତ୍ତିଜନକ କଣ୍ଟେଣ୍ଟକୁ ଚିହ୍ନଟ କରି ସେଗୁଡିକୁ ବ୍ଲକ କରାଯାଇ ପାରିବ ।