AKK 2023
MONGINIS 728X90
Hari omm 2
AKK2023
hari om films
WEB_F-8
MONGINIS 728X90
Showcase2022
HARI-OMM_728X90_B
WEB_F-9
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଲବାଣୀ: ଗୋଛାପଡା ପୋଲିସକୁ ସଫଳତା, କ୍ୱିଣ୍ଟାଲରୁ ଅଧିକ ଗଂଜେଇ ଜବତ
  • ||
  • ଭୁବନେଶ୍ୱର: ରାଜଧାନୀରେ କଙ୍ଗାରୁକୋର୍ଟ, ଯୁବତୀଙ୍କୁ ଖୁଣ୍ଟରେ ବାନ୍ଧି ମାଡ଼
  • ||
  • ପ୍ରକାଶ ପାଇଲା ଜେଇଇ (ମେନ୍‌) ସେସନ-୧ ରେଜଲ୍ଟ, ଓ୍ୱେବସାଇଟ୍‌ରେ ଦେଖିପାରିବେ ଛାତ୍ରଛାତ୍ରୀ
  • ||
  • ଫେବୃୟାରୀରେ ଅଧିକ ରହିବ ତାପମାତ୍ରା, ଜଳବାୟୁ ଶୁଷ୍କ ଥିବାରୁ ଜଙ୍ଗଲରେ ଲାଗୁଛି ନିଆଁ
  • ||

ଜନ୍ମ ଓ ମୃତ୍ଯୁ ଆଧାରରେ ପ୍ରସ୍ତୁତ ହେବ ଏନପିଆର ଡାଟା, ଶୀତ ଅଧିବେଶନରେ ବିଲ୍ ପାରିତ କରିପାରନ୍ତି ସରକାର

27/11/2022 at 2:16 PM

ନୂଆଦିଲ୍ଲୀ: ଜନ୍ମ ଓ ମୃତ୍ଯୁ ଡାଟାବେସ୍ ଆଧାରରେ ଅପଡେଟ୍ ହେବ ଏନପିଆର । ଏନେଇ ଶୀତକାଳୀନ ଅଧିବେଶନରେ ସରକାର ବିଲ୍ ଆଣିବା ନେଇ ଚର୍ଚ୍ଚା ହେଉଛି । ଡିସେମ୍ବର ୭ ତାରିଖରୁ ସଂସଦରେ ଆରମ୍ଭ ହେବ ଶୀତ ଅଧବେଶନ । ୧୭ଟି କାର୍ଯ୍ୟଦିବସ ସହ ୨୯ ତାରିଖରେ ଶେଷ ହେବ ଅଧିବେଶନ । ତେବେ ଏହି ଶୀତକାଳୀନ ଅଧିବେଶନର କେନ୍ଦ୍ର ସରକାର ବହୁ ଗୁରୁତ୍ବପୂର୍ଣ୍ଣ ପ୍ରସଂଗ ଉପରେ ଆଲୋଚନା କରିବା ସହିତ ବିଲ୍ ମଧ୍ୟ ଉପସ୍ଥାପନା କରିବେ ।  

ସୂଚନା ଅନୁଯାୟୀ, କେନ୍ଦ୍ର ସରକାର ଆଗାମୀ ଶୀତ ଅଧିବେଶନରେ ସଂସଦରେ କିଛି ଗୁରୁତ୍ବପୂର୍ଣ୍ଣ ବିଧେୟକ ଉପସ୍ଥାପନା କରିପାରନ୍ତି । ଏଥିରେ ଜନ୍ମ ଓ ମୃତ୍ୟୁ ଡାଟାବେସ୍ ଆଧାରରେ ଜନସଂଖ୍ୟା ରେଜିଷ୍ଟାର ବା ଏନପିଆର ସଂଶୋଧନ ପାଇଁ ଅନୁମତି ଦେବା ବିଲ୍ ମଧ୍ୟ ରହିଛି । ଏହି ବିଧେୟକ ରେଜିଷ୍ଟାର ଜେନେରାଲ ଅଫ୍ ଇଣ୍ଡିଆକୁ ଜନ୍ମ ଓ ମୃତ୍ୟୁ ପଞ୍ଜିକରଣ ରିପୋର୍ଟ ତିଆରି କରିବାକୁ ଅନୁମତି ଦେଇଥାଏ ।

ଏହି ବିଲ୍ ଜରିଆରେ ଜନ୍ମ ଓ ମୃତ୍ୟୁ ପଞ୍ଜିକରଣ ଅଧିନିୟମ, 1969ରେ ସଂଶୋଧନ କରିବାକୁ ଦାବି ହୋଇଥିଲା । ଗତ ବର୍ଷ ଅକ୍ଟୋବର ମାସରେ ତିଆରି ହୋଇଥିବା ଡ୍ରାଫ୍ଟ ଉପରେ ସାର୍ବଜନୀନ ଟିପ୍ପଣୀ ଦେବାକୁ ଗୃହ ମନ୍ତ୍ରଣାଳୟ କହିଥିଲା । ଏହା ସହିତ ଏହାକୁ ଭୋଟର କାର୍ଡ, ଆଧାର କାର୍ଡ, ପାସପୋର୍ଟ ଓ ଡ୍ରାଇଭିଂ ଲାଇସେନ୍ସ ସଂଶୋଧନ କରିବାରେ ବ୍ୟବହାର କରାଯିବ ।

ରିପୋର୍ଟ ଅନୁଯାୟୀ, ଏହାକୁ କେନ୍ଦ୍ର ସରକାର ଆଇବିଡି ଅଧିନିୟମ ଧାରା (3-A)ରେ ଯୋଡ଼ିବାକୁ ଚାହୁଁଛନ୍ତି । ରେଜିଷ୍ଟର ଜେନେରାଲ ଭାରତ, ଜାତୀୟ ସ୍ତରରେ ଜନ୍ମ ଓ ମୃତ୍ୟୁ ଡାଟାବେସରେ ତିଆରି ହେବ । ଯାହାର ବ୍ୟବହାର ପାଇଁ ଅନୁମତି ନେବାକୁ ପଡ଼ିଛି ବୋଲି ବିଧେୟକରେ କୁହାଯାଇଛି । ସେହିପରି ଧାରା ୮ରେ ମଧ୍ୟ ସଂଶୋଧନ ପାଇଁ ପ୍ରସ୍ତାବ ଦିଆଯାଇଛି ।

ଆଗାମୀ ଶୀତ ଅଧିବେଶନ ସୁରୁଖୁରୁରେ ଚାଲିବା ପାଇଁ ୬ ଡିସେମ୍ବରରେ ସର୍ବଦଳୀୟ ବୈଠକ ଡାକିଛନ୍ତି ସରକାର । ଏହି ବୈଠକରେ ବହୁ ଗୁରୁତ୍ବପୂର୍ଣ୍ଣ ବିଷୟ ଉପରେ ଆଲୋଚନା ହେବ । ସଂସଦରେ ଶୀତକାଳୀନ ଅଧିବେଶନ ଡିସେମ୍ବର ୭ରୁ ଆରମ୍ଭ ହୋଇ ୨୯ ତାରିଖ ପର୍ଯ୍ୟନ୍ତ ଚାଲିବ । ୧୭ଟି କାର୍ଯ୍ୟ ଦିବସରେ କେନ୍ଦ୍ର ସରକାର ବହୁ ଗୁରୁତ୍ବପୂର୍ଣ୍ଣ ବିଧେୟକ ପାରିତ କରିପାରନ୍ତି ବୋଲି ଚର୍ଚ୍ଚା ହେଉଛି ।  

   Related Posts