କଟକ ୧୪।୯: ଗୋଟିଏ ରାତିରେ ତ୍ରିଶୁଳିଆ ଅଞ୍ଚଳରେ ଦୁଇ ଦୁଇଟି ଆପାର୍ଟମେଣ୍ଟରୁ ଚୋରି । ଗୋଟିଏ ରାତିରେ ଦୁଇ ଦୁଇଟି ଆପାର୍ଟମେଣ୍ଟରୁ ତାଲା ଭାଙ୍ଗି ଚୋରିର ଦୃଶ୍ୟ ସିସିଟିଭିରେ କଏଦ ହୋଇଛି ।
ବାରଙ୍ଗ ଥାନା ଅନ୍ତର୍ଗତ ବେଲଗଛିଆ ଗାଁ ନିକଟରେ ଦୁଇଟି ଆପାର୍ଟମେଣ୍ଟରୁ ତାଲା ଭାଙ୍ଗି ଲକ୍ଷାଧିକ ଟଙ୍କାର ଜିନିଷ ଓ ସୁନା ଗହଣା ଚୋରି କରିନେଇଥିବା ଅଭିଯୋଗ ହୋଇଛି । ଶାନ୍ତି ବନ ଆପାର୍ଟମେଣ୍ଟର ବି ବ୍ଲକ୍ର ୨୦୪ ନମ୍ବର ଫ୍ଲାଟରେ ରହୁଥିବା ଦିଲ୍ଲିପ କୁମାର ମହାପାତ୍ରଙ୍କ ଘରୁ ଗତ ରାତିରେ ୩୦ ଭରି ଓଜନର ସୁନା ଗହଣା ଚୋରି ହୋଇଥିବା ଅଭିଯୋଗ ହୋଇଛି । ଏହି ଆପାର୍ଟମେଣ୍ଟରେ ୩୨ଟି ପରିବାର ରହନ୍ତି । ଜଗଦଲପୁର ଷ୍ଟିଲ ପ୍ଲାଣ୍ଟରେ କାମ କରନ୍ତି ଦିଲ୍ଲିପ ମହାପାତ୍ର । ଘରେ କେହି ନଥିବା ବେଳେ ୪ ଜଣ ଦୁର୍ବୃତ୍ତ ମୁଖା ପିନ୍ଧି ଚୋରି କରିଥିବା ସିସିଟିଭିରୁ ଜଣାପଡିଛି । ଚୋର ମାନେ ରାତି ୨ଟା ୩୯ ମିନିଟ୍ରେ ପ୍ରବେଶ କରିଥିବା ବେଳେ ଚୋରି କରି ୩ଟା ୨୪ ମିନିଟରେ ଫ୍ଲାଟରୁ ବାହାରି ଯାଇଥିବା ସିସିଟିଭି ଫୁଟେଜରୁ ଜଣାପଡ଼ିଛି । କମିଶନରେଟ ପୋଲିସ ସାଇଣ୍ଟିଫିକ ଟିମ୍ ନେଇ ଦୁଇଟିଯାକ ଘଟଣାର ଅନୁସନ୍ଧାନ କରୁଥିବା ଅତିରିକ୍ତ ଡିସିପି ଅନୀଲ ମିଶ୍ର କହିଛନ୍ତି ।
You Can Read:
ଖୋଲିଲା କୋଲାବ ଜଳ ଭଣ୍ଡାରର ଗୋଟିଏ ଗେଟ୍, ଦୀର୍ଘ ୬ବର୍ଷ ପରେ ଜଳ ନିଷ୍କାସିତ
