ଆସନ୍ତାକାଲି ପ୍ରକାଶ ପାଇବ ଚଳିତ ବର୍ଷର ସିବିଏସଇ ଦଶମ ପରୀକ୍ଷା ଫଳ । ଅପରାହ୍ନ ୪ ଟାରେ ଫଳ ପ୍ରକାଶ ପାଇବା ନେଇ ଟ୍ବିଟ୍ କରି ସୂଚନା ରଖିଛନ୍ତି ମାନବ ସମ୍ବଳ ବିକାଶ ମନ୍ତ୍ରଣାଳୟର ସଚିବ ଅନୀଲ ସ୍ୱରୂପ । ଚଳିତ ବର୍ଷ ଦେଶସାରା ଦେଶରେ କେନ୍ଦ୍ରୀୟ ବୋର୍ଡ ଅଫ ସେକେଣ୍ଡାରୀ ଏଜୁକେଶନ , ସିବିଏସଇ ପରିଚାଳିତ ଦଶମ ପରୀକ୍ଷା ଦେଇଛନ୍ତି ପ୍ରାୟ ୧୬ ଲକ୍ଷ ୩୮ ହଜାର୪୨୦ ରୁ ଅଧିକ ପରୀକ୍ଷାର୍ଥୀ ପରୀକ୍ଷା ପାଇଁ ପଞ୍ଜିକରଣ କରିଥିଲେ । ପରୀକ୍ଷାଫଳ cbse.nic.in ଏବଂ cbseresults.nic.in ୱେବସାଇଟ୍ରେ ଉପଲବ୍ଧ ହେବ ।ଚଳିତ ବର୍ଷ ସିବିଏସଇ ଦଶମ ପରୀକ୍ଷାରେ ଇଂରାଜୀ ପ୍ରଶ୍ନପତ୍ରରେ କିଛି ତ୍ରୁଟି ଥିଲା । ତେଣୁ ସେହି ପେପର ଦେଇଥିବା ପରୀକ୍ଷାର୍ଥୀଙ୍କୁ ୨ ନମ୍ବର ଗ୍ରେସ ଦେବାକୁ ନିଷ୍ପତି ହୋଇଥିଲା । ଗତ ୨୬ ତାରିଖରେ ସିବିଏସଇ ଦ୍ବାଦଶ ପରୀକ୍ଷା ଫଳ ପ୍ରକାଶ ପାଇଥିଲା । ସେଥିରେ ମୋଟ ୮୩.୧ ପ୍ରତିଶତ ଛାତ୍ରଛାତ୍ରୀ କୃତକାର୍ଯ୍ୟ ହୋଇଛନ୍ତି ।