ନୂଆଜିଲ୍ଲୀ: ଅଡ଼ୁଆ ସୂତାରେ ଛନ୍ଦି ହେଉଛନ୍ତି ପୂର୍ବତନ ଦିଲ୍ଲୀ ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆ । ପୁଣି ମନୀଷଙ୍କ ପାଇଁ ବଢ଼ିଲା ଅଡୁଆ । ସିବିଆଇ ମନୀଷଙ୍କ ବିରୋଧରେ ଗୁଇନ୍ଦିଗିରି ପାଇଁ ମାମଲା ରୁଜୁ କରିଛି । ଫିଡବ୍ୟାକ୍ ୟୁନିଟ୍ ମାମଲା ଆଧାରରେ ସିସୋଦିଆଙ୍କ ନାଁରେ କେସ୍ ଫାଇଲ୍ ହୋଇଛି ।
୨୦୧୬ରେ ଆମ୍ ଆଦମୀ ପାର୍ଟି ଏକ ଫିଡବ୍ୟାକ୍ ୟୁନିଟ୍ ଗଠନ କରି ବିଭିନ୍ନ ରାଜନେତାଙ୍କ ଅଜାଣତରେ ଗୁଇନ୍ଦାଗିରି କରିଥିଲେ । ତେବେ ଏହି ୟୁନିଟ୍ ଗଠନ କରିବାରେ କେନ୍ଦ୍ର ସରକାରଙ୍କ ମଧ୍ୟ କୌଣସି ଅନୁମତି ମିଳିନଥିଲା । ଏହି ଫିଡବ୍ୟାକ୍ ୟୁନିଟ୍ ସମ୍ପୂର୍ଣ୍ଣ ବେଆଇନ ହୋଇଥିବାରୁ ଏହାକୁ ନେଇ ତଦନ୍ତ ଆରମ୍ଭ କରିଥିଲା ସିବିଆଇ । ଏହା କେନ୍ଦ୍ରୀୟ ଯାଞ୍ଚ ଏଜେନ୍ସି ମନୀଷ ସିସୋଦିଆଙ୍କ ବିରୋଧରେ ଦ୍ବିତୀୟ ଏଫଆଇଆର୍ ରୁଜୁ କରିଛି ।
ଏହା ପୂର୍ବରୁ ସିବିଆଇ ମନୀଷଙ୍କ ବିରୋଧ ଅବକାରୀ ନୀତି ଘୋଟାଲା କେସ୍ ରୁଜୁ କରିଥିଲା । ୨୬ ତାରିଖରେ ପଚରାଉଚରା ପରେ କେନ୍ଦ୍ରୀୟ ଯାଞ୍ଚ ଏଜେନ୍ସି ତାଙ୍କୁ ଗିରଫ କରିଛି । ସିବିଆଇ ପରେ ମଦ ଘୋଟାଲାରେ ପ୍ରଦର୍ଶନ ନିର୍ଦ୍ଦେଶାଳୟ ମଧ୍ୟ ଯାଞ୍ଚ କରୁଛି । ମାନିଂ ଲଣ୍ଡ୍ରିଂ ମାମଲାରେ ମଧ୍ୟ କେସ୍ ରୁଜୁ ହୋଇଛି । ଦିଲ୍ଲୀ ପୂର୍ବତନ ଉପ-ମୁଖ୍ୟମନ୍ତ୍ରୀ ଏବେ ବିଚାର ବିଭାଗୀୟ ଜେଲ୍ ରହିଥିବାବେଳେ ଆଉ ଏକ ମାମଲା ସିସୋଦିଆଙ୍କ ପାଇଁ ଅଡୁଆ ବଢ଼ାଇ ଦେଇଛି ।
