ପୁଣେ ୧୦।୦୬ : ସିବିଆଇ ପଞ୍ଝାରେ ଆଇଏଏସ୍‌ ଅଫିସର ଅନିଲ ରାମୋଦ । ଏକାସାଙ୍ଗେ ବିଭିନ୍ନ ସ୍ଥାନରେ ଚଢାଉ କରିବା ସମୟରେ ବିପୁଳ ପରିମାଣର ସଂପତ୍ତି ସହ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ ହୋଇଛି । ଏକାସାଙ୍ଗେ ୬ କୋଟି ଟଙ୍କାର ନଗଦ ଟଙ୍କ ମଧ୍ୟ ଜବତ କରିଛି ସିବିଆଇ ।

ଖବର ଅନୁଯାୟୀ, ଆଇଏଏସ୍‌ ଅଫିସର ଅନିଲ ରାମୋଦା ରାଷ୍ଟ୍ରୀୟ ରାଜମାର୍ଗ ପ୍ରାଧିକରଣ (NHAI) ପାଇଁ ମହାରାଷ୍ଟ୍ରରେ ଅତିରିକ୍ତ ଡିଭିଜିଓନାଲ କମିଶନର ଭାବେ ନିଯୁକ୍ତ ହୋଇଥିଲେ । ସେ ସାତାରା ଓ ସୋଲାପୁର ମଧ୍ୟରେ ଏକ ରାଜପଥ ନିର୍ମାଣ ଲାଗି ହେବାକୁ ଥିବା ଜମିଗ୍ରହଣରେ ଅଧିକ ଟଙ୍କା ଦେବାକୁ ଚାଷୀମାନଙ୍କଠୁ ଲାଞ୍ଚ ନେଉଥିଲେ । ଯାହା ପରେ ଆଠ ଲକ୍ଷ ଲାଞ୍ଚ ନେବା ସମୟରେ ଧରିଥିଲା ସିବିଆଇ ।

ସେପଟେ ସିବିଆଇର ଜଣେ ପ୍ରବକ୍ତା କହିଛନ୍ତି ଯେ, ଅନିଲ ରାମୋଦଙ୍କ ନାଁରେ ଲାଞ୍ଚ କାରବାର ନେଇ ଯାଞ୍ଚ ଚାଲିଛି । କୃଷକମାନଙ୍କ ଠାରୁ ମୋଟ ଜମି ବିକ୍ରିର ୧୦ ପ୍ରତିଶତ ଲାଞ୍ଚ ନେବାକୁ ଧାର୍ଯ୍ୟ କରିଥିଲେ । ଯାହାର ଅଭିଯୋଗ ସିବିଆଇ ନିକଟକୁ ଆସିଥିଲା । ଏହାପରେ ସିବିଆଇ  ଅନିଲ ରାମୋଦଙ୍କୁ ଧରିବା ପାଇଁ ଜାଲ ବିଛାଇଥିଲା । ଏହିକ୍ରମରେ ଅନିଲ ରାମୋଦ ଆଠ ଲକ୍ଷ ଟଙ୍କା ଲାଞ୍ଚ ନେବା ବେଳେ ଧରିଛି  ସିବିଆଇ  । ଏହି ଘଟଣାରେ ଅଧିକ ତଦନ୍ତ ଚାଲିଛି ।  

ସେହିପରି ଅନିଲ ରାମୋଦଙ୍କୁ ଠାରୁ ଏତେ ପରିମାଣର ଟଙ୍କା ମିଳିବା ପରେ ଏକାସାଙ୍ଗ ବିଭିନ୍ନ ସ୍ଥାନରେ ଚଢାଉ କରିଥିଲା ସିବିଆଇ । ଯେଉଁ ଚଢାଉରେ ସିବିଆଇକୁ ଅନେକ ଗୁରୁତ୍ୱପୂର୍ଣ୍ଣ କାଗଜପତ୍ର ମିଳିଛି । ଖାସ୍‌ କରି ଚଢାଉ ବେଳେ ୬ କୋଟି ଟଙ୍କାର ନଗଦ ଟଙ୍କା ମଧ୍ୟ ମିଳିଛି । ଏହାସହିତ ଅନିଲ୍‌ ରାମୋଦାଙ୍କ ପରିବାର ସଦସ୍ୟଙ୍କ ନାଁରେ ୧୪ଟି ଅଚଳାଚଳ ସମ୍ପତ୍ତି ମଧ୍ୟ ଠାବ ହୋଇଛି ।

You Can Read :