previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା : ନୀତୀଶ କୁମାରଙ୍କ ଅଷ୍ଟମ ପାଳି, ମୁଖ୍ୟମନ୍ତ୍ରୀ ଭାବେ ନେଲେ ଶପଥ
  • ||
  • ରାଜ୍ୟରେ କମିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୫୩ କୋଭିଡ୍ ପଜିଟିଭ୍
  • ||
  • ବ୍ରହ୍ମପୁର: ଗଞ୍ଜେଇ ଚାଲାଣ ବେଳେ ଧରାପଡିଲା ସୁନା ତସ୍କରୀ, ୨୦ ସୁନା ବିସ୍କୁଟ ଜବତ
  • ||
  • ସୋର : ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ୍, ୩୦ରୁ ଅଧିକ ଆହତ
  • ||

କୂଅରେ ପଡି ଛଟପଟ ହେଉଥିଲା ବିଲେଇ, ଉଦ୍ଧାର କରି ଜୀବନ ବଞ୍ଚାଇଲେ ଅଗ୍ନିଶମ କର୍ମଚାରୀ

5/07/2022 at 12:04 PM

ସାନଖେମୁଣ୍ଡି ୫।୭: ଆଜି ବି ବଞ୍ଚିଛି ମାନବିକତା । ପଶୁ ପାଇଁ ଆଜି ବି ଏ ମଣିଷ ମନରେ ରହିଛି ଭଲପାଇବା । ଯାହାର ଏକ ଉଦାହରଣ ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ୍ ପାଟପୁର ଗାଁ ରେଡ୍ଡୀସାହିରେ ।

ସୂଚନାଯୋଗ୍ୟ ଯେ, ଗାଁର ରେଡ୍ଡୀସାହିର ରବୀନ୍ଦ୍ର ଜେନା ଏବଂ ଜିତେନ୍ଦ୍ର ଜେନାଙ୍କ ବାରି ପଟ ଏକ ପରିତ୍ୟକ୍ତ କୂଅରେ ବହୁ ସମୟ ଧରି ଗୋଟିଏଓ ବିଲେଇ ଫସି ରହିଥିଲା । ଦୁଇଟି ବିଲେଇ ମଧ୍ୟରେ କଳି ବେଳେ ଗୋଟିଏ ବିଲେଇ କୂଅ ଭିତରେ ଖସିପଡିଥିଲା । ଏହି ଘଟଣା ଘର ମାଲିକ ଜାଣିବା ପରେ  ଉଭୟେ ମିଶି ବିଲେଇଟିର ଜୀବନ ବଞ୍ଚାଇବାକୁ ଚେଷ୍ଟା କରିଥିଲେ । କିନ୍ତୁ ସେମାନେ ବିଲେଟିକୁ ଉଦ୍ଧାର କରିପାରିନଥିଲେ । ଫଳରେ ସାହାଯ୍ୟ ପାଇଁ ସରକାରଙ୍କ ଜରୁରୀକାଳୀନ ସେବା ୧୧୨କୁ ଯୋଗାଯୋଗ କରିଥିଲେ । ଏହାପରେ ଘଟଣାସ୍ଥଳରେ ସଙ୍ଗେ ସଙ୍ଗେ ପହଞ୍ଚି ଯାଇଥିଲା ଦିଗପହଣ୍ଡି ଅଗ୍ନିଶମ ବିଭାଗ ।ତାପରେ ଆରମ୍ଭ ହୋଇଥିଲା ଉଦ୍ଧାର କାର୍ଯ୍ୟ । ଅନେକ ଘଣ୍ଟା ପରିଶ୍ରମ କରିବା ପରେ ବିଲେଇଟିକୁ କୂଅ ଭିତରୁ ଉଦ୍ଧାର କରିଥିଲେ ଅଗ୍ନିଶମ ବିଭାଗ କର୍ମଚାରୀ । ବିଲେଇଟି ଭୟରେ ସେଠାରୁ ଦୌଡି ଚାଲିଯାଇଥିଲା ।

ତେବେ ବିଲେଇଟି ଉଦ୍ଧାର ପରେ ସରକାରଙ୍କ ୧୧୨ ଜରୁରୀକାଳୀନ ସେବା ସହ ଅଗ୍ନିଶମ ବିଭାଗକୁ ଲୋକେ ପ୍ରଶଂସା କରିଛନ୍ତି । ପ୍ରାୟତଃ ଦେଖିବାକୁ ମିଳେ ଯେ ଲୋକଙ୍କୁ ବିପଦରୁ ରକ୍ଷା କରିଥାନ୍ତି ଅଗ୍ନିଶମ ବିଭାଗ । କିନ୍ତୁ ଏଠି ଗୋଟିଏ ବିଲେଇର ଜୀବନ ପାଇଁ ମାନବିକତାର ପରିଚୟ ଦେଇଛନ୍ତି ଅଗ୍ନିଶମ ବିଭାଗ କର୍ମଚାରୀ । ପ୍ରକୃତରେ ଏହି ଦେୟ ମୁକ୍ତ ସେବା ପାଇଁ ଗୋଟିଏ ନିରୀହ ଜୀବନ ବଞ୍ଚିଗଲା ।

   Related Posts