scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବିଦ୍ରୋହର ୧୨ ଘଣ୍ଟା ମଧ୍ୟରେ ବୁଝାବଣା; ମସ୍କୋ ପହଞ୍ଚିବା ପୂର୍ବରୁ ଫେରିବା ପ୍ରାଇଭେଟ୍ ଆର୍ମି

25/06/2023 at 1:39 PM

ମସ୍କୋ: ଡିଲ୍ ହୋଇଛି ନା ମୁଣ୍ଡ ନୁଆଁଇଲା । ପୁଟିନଙ୍କ ନାଲି ଆଖିକୁ ଡରିଗଲା କି ଓ୍ବାଗନର? ଶକ୍ତିହୀନ ହେଲା କି ପ୍ରାଇଭେଟ୍ ଆର୍ମି ? ବୁଝାବଣା ହୋଇଛି ନା ଅନ୍ୟ କିଛି । ୨୪ ଘଣ୍ଟା ନପୁରୁଣୁ ୟୁ-ଟର୍ଣ୍ଣ । ଗୃହଯୁଦ୍ଧରୁ ବର୍ତ୍ତିଗଲା ଋଷ୍ । ମସ୍କୋ ପହଞ୍ଚିବାକୁ ଆଉ ମାତ୍ର ୩୭୦ କିଲୋମିଟର ବାକି ଥିଲା । ରାଜପଥକୁ ଓହ୍ଲାଇ ଆସି ସାରିଥିଲା ଯୁଦ୍ଧ ଟ୍ୟାଙ୍କ । ରଷ୍ ରାଜଧାନୀ ମୁହାଁ ହୋଇଥିଲେ ୨୫ ହଜାର ପ୍ରାଇଭେଟ୍ ଆର୍ମି । କେଇ ଘଣ୍ଟାରେ  ମଧ୍ୟରେ କବଜା ହୋଇଥାନ୍ତା ମସ୍କୋ । ହେଲେ ୧୨ ଘଣ୍ଟା ମଧ୍ୟରେ ସବୁକିଛି ଶାନ୍ତ ପଡ଼ିଯାଇଛି । ଋଷ ଆକାଶରେ ଘନେଉଥିବା ଯୁଦ୍ଧର କଳାବାଦଳ ଶୀଥଳି ଯାଇଛି । ଓ୍ବାଗନର ଚିଫ୍ ୟଭଗୋନି ପ୍ରିଗୋଝିନ ନିଜ ସେନାକୁ ୟୁ-ଟର୍ଣ୍ଣ ମାରିବାକୁ ନିର୍ଦ୍ଦେଶ ଦେଇଛନ୍ତି । ରାଜଧାନୀ ମସ୍କୋ ଉପରେ ହମଲା ନିଷ୍ପତ୍ତିକୁ ଫେରାଇ ନେଇଛନ୍ତି ।

କେମିତି ଥମିଲା ଏକ ରକ୍ତାକ୍ତ ଯୁଦ୍ଧ ? ପୁଟିନଙ୍କୁ ଗାଦିଚ୍ୟୁତ୍ କରିବା ନିଶା ଓ୍ବାଗନର ଥମିଯାଇଛି । ୧୨ ଘଣ୍ଟା ମଧ୍ୟରେ ଋଷର ସଶକ୍ତ ସରକାର ବୁଝାବଣା କରିଛନ୍ତି । ବେଲାଋଷ ରାଷ୍ଟ୍ରପତିଙ୍କ ପାଇଁ ଏହା ସମ୍ଭବ  ହୋଇଛି । ଆଲେକ୍ସଜାଣ୍ଡର ଲୁକାସେଙ୍କୋଙ୍କ ପାଇଁ ସମାଧାନର ବାଟ ଫିଟିଛି । ଶନ୍ତିପୂର୍ଣ୍ଣ ଆଲୋଚନା ପାଇଁ ସହମତି ପ୍ରକାଶ କରି ଓ୍ବାଗନର ନିଜ ସେନାକୁ ଅଧାବାଟରୁ ଫେରାଇ ନେଇଛି ।

ଓ୍ବାଗନର ମୁଖ୍ୟ ୟଭଗୋନି ପ୍ରିଗୋଝିନଙ୍କ ବିରୋଧରେ ସଶସ୍ତ୍ର ବିଦ୍ରୋହର ଅଭିଯୋଗ ପରେ ଗୃହଯୁଦ୍ଧ ଆରମ୍ଭ ହୋଇଥିଲା । ପ୍ରାଇଭେଟ୍ ଆର୍ମିର ୨୫ ହଜାର ସୈନ୍ୟ, ଋଷର ତିନୋଟି ସହରକୁ କବଜା କରିନେଇଥିଲା । ଯୁଦ୍ଧ ବିମାନ ଓ ହେଲିକପ୍ଟର ନଷ୍ଟ କରିଦେଇଥିଲେ । ସେପଟେ ଋଷ୍ ରାଷ୍ଟ୍ରପତି ପୁଟିନ ମଧ୍ୟ ମସ୍କୋରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିବାକୁ ନିର୍ଦ୍ଦେଶ ଦେଇଥିଲେ । ହାଇ-ଆଲର୍ଟରେ ରହିଥିଲା ପୂରା ରାଜଧାନୀ । ବିଦ୍ରୋହୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଥିଲେ ପୁଟିନ ।

   Related Posts