ନୂଆଦିଲ୍ଲୀ ୧୭/୦୭ : ଜାତୀୟ ପୁରସ୍କାର ବିଜେତା, ଲେଖକ, ଚିତ୍ରକାର, କାର୍ଟୁନିଷ୍ଟ ତଥା ଆନିମେଟେଡ୍ ଫିଲ୍ମ ନିର୍ମାତା ଗୌତମ ବେନେଗାଲଙ୍କ ହୃଦଘାତ ହେତୁ ଦେହାନ୍ତ ହୋଇଛି। ତାଙ୍କୁ ମାତ୍ର ୫୫ ବର୍ଷ ହୋଇଥିଲା। ଗୌତମ ବେନେଗାଲଙ୍କ ମୃତ୍ୟୁ ଖବର ତାଙ୍କ ବନ୍ଧୁ କୈଜାଦ କୋଟୱାଲ ସୋସିଆଲ ମିଡିଆ ମାଧ୍ୟମରେ ଦେଇଛନ୍ତି।

{"width":603,"height":339}

କୈଜାଦ ଲେଖିଛନ୍ତି, 'ମୁଁ ଗଭୀର ଆଘାତରେ ଅଛି। ଗୌତମ ବେନେଗାଲ ଆଉ ନାହାଁନ୍ତି । ଗତକାଲି ଆମେ ପରସ୍ପରକୁ ମେସେଜ୍ କରୁଥିଲୁ । ଭାରତ ପାଇଁ ଏକ ବଡ ଦୁଃଖ, ବିଶେଷକରି ସେମାନଙ୍କ କଳାକାର ଫ୍ୟାନ୍ସମାନଙ୍କ ପାଇଁ । ମୁଁ ଏବେବି ଏହାକୁ ବିଶ୍ୱାସ କରିପାରୁ ନାହିଁ ।

ଗୌତମ ବେନେଗାଲଙ୍କ ମୃତ୍ୟୁ ଖବର ସାମ୍ନାକୁ ଆସିବା ମାତ୍ରେ ତାଙ୍କ ଫ୍ୟାନ୍ସମାନେ ସୋସିଆଲ ମିଡିଆରେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି । ଜଣେ ୟୁଜର୍ ଲେଖିଛନ୍ତି, 'ଗୌତମ, ମୁଁ ବିଶ୍ୱାସ କରିପାରୁ ନାହିଁ କି ଆପଣ ଆଉ ନାହାଁନ୍ତି । ମୁଁ ଆପଣଙ୍କର ପ୍ରେରଣାଦାୟକ ପୋଷ୍ଟଗୁଡିକ ପଢେ ଏବଂ ତାହା ମୋର ଦିନକୁ ଉନ୍ନତ କରିଥାଏ । ମୁଁ ତାଙ୍କୁ ବହୁତ ମନେ ପକାଇବି। ' ଅନ୍ୟ ଜଣେ ୟୁଜର୍ ଲେଖିଛନ୍ତି, 'ଆଶ୍ଚର୍ଯ୍ୟଜନକ ଖବର। ମୁଁ ଏହାକୁ ବିଶ୍ୱାସ କରିପାରିବି ନାହିଁ ଆମେ ଅନେକ ବର୍ଷ ଧରି ଫେସବୁକରେ ବନ୍ଧୁ ଥିଲୁ ଏବଂ ବର୍ତ୍ତମାନ ସେ ଆଉ ନାହାଁନ୍ତି । ଜଣେ ଭଲ ଚିତ୍ରକାର, ଲେଖକ, ଫିଲ୍ମ ନିର୍ମାତା ସବୁଦିନ ପାଇଁ ଚାଲିଯାଇଛନ୍ତି ।

ଗୌତମ ବେନେଗାଲ ୧୬ ବର୍ଷ ବୟସରେ ଏକ ଶିଶୁ ପତ୍ରିକା 'ସନ୍ଦେଶ' ବାହାର କରିଥିଲେ । ଏଥିସହ ସେ ଫିଲ୍ମ ଡିଭିଜନ୍ ଅଫ୍ ଇଣ୍ଡିଆ ପାଇଁ ଫିଲ୍ମ ନିର୍ମାଣ କରିଥିଲେ ଏବଂ ତାଙ୍କ ଫିଲ୍ମ ତେହେରାନ, ବେଲାରୁଷ, ହିରୋସିମା ଏବଂ କାହିରାରେ ଫିଲ୍ମ ମହୋତ୍ସବ ପାଇଁ ମନୋନୀତ ହୋଇଥିଲେ। ତାଙ୍କୁ ୨୦୧୦: ଦ ପ୍ରିନ୍ସ ଏଣ୍ଡ୍ ଦ କ୍ରାଉନ୍ ଅଫ୍ ଷ୍ଟୋନ୍ ପାଇଁ ଜାତୀୟ ପୁରଷ୍କାରରେ ସମ୍ମାନୀତ କରାଯାଇଥିଲା ।