ବାରଙ୍ଗ ୧୮।୩: ଡିଭାଇଡର୍ ଭାଙ୍ଗି ଦୋକାନକୁ ପଶିଲା କାର୍ । ଅଳ୍ପକେ ବର୍ତ୍ତିଲେ ଦୋକାନୀ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ସୂଚନାଯୋଗ୍ୟ ଯେ, ଭୁବନେଶ୍ବର ମଞ୍ଚେଶ୍ୱର ଥାନା ଅନ୍ତର୍ଗତ କେଳୁଚରଣ ପାର୍କ ସମ୍ମୁଖରେ ଦୁର୍ଘଟଣା ଘଟିଛି । ଗାଡ଼କଣ ପଟୁ ଦ୍ରୁତ ଗତିରେ ଆସୁଥିବା ଗୋଟିଏ କାର୍ ଭାରସାମ୍ୟ ହରାଇ ପାର୍କ ସମ୍ମୁଖରେ ଥିବା ଡିଭାଇଡରକୁ ଭାଙ୍ଗି ରାସ୍ତା ପାର୍ଶ୍ଵରେ ଥିବା ଦୋକାନ ଭିତରକୁ ପଶିଥିଲା । ଡିଭାଇଡରକୁ ପିଟିବା ପରେ କାର୍‌ଟିର ଦୁଇଟି ଚକା ଓ ଇଞ୍ଜିନ ଫାଟି ଧୂଆଁ ବାହାରୁଥିବା କହିଛନ୍ତି ପ୍ରତ୍ୟେକ୍ଷଦର୍ଶୀ । ଦୁର୍ଘଟଣା ହେବା ପରେ ଡ୍ରାଇଭର ଜଣକ ପଳାଇ ଯାଇଥିବା ବେଳେ ତାଙ୍କର ପରିଚୟ ମିଳିପାରିନାହିଁ । ତେବେ ଘଟଣାରେ କେହି ଆହତ ହୋଇନଥିଲେ ହେଁ ସ୍ଥାନୀୟ ଅଞ୍ଚଳରେ ଜମୁଥିବା ଭିଡ଼ ପାଇଁ ପୋଲିସ ଉପସ୍ଥିତ ରହିଛି ।