ଝାରସୁଗୁଡା ୦୨/୦୫: ଝାରସୁଗୁଡା ଉପନିର୍ବାଚନକୁ ହାତରେ ଆଉ କମ ସମୟ । ତେଣୁ ଶେଷ ମୁହୂର୍ତ୍ତରେ ସବୁ ଦଳ ନିଜର ଦମ୍ ଦେଖାଇବାରେ ଲାଗିଛନ୍ତି । ଆଜି ବିଜେଡି ପ୍ରାର୍ଥୀ ଦୀପାଳି ଦାସ କିର୍ମିରା ବ୍ଲକରେ ପ୍ରଚାର କରୁଛନ୍ତି । ଏଥିସହ ଦଳର ଅନ୍ୟ ହେଭିୱେଟ ନେତା ବିଭିନ୍ନ ବ୍ଲକ ଓ ପୋୖରାଞ୍ଚଳରେ ପ୍ରଚାର କରୁଛନ୍ତି ।

ସେହିପରି ବିଜେପି ପ୍ରାର୍ଥୀ ଟଂକଧର ତ୍ରିପାଠୀ ୬ ନମ୍ବର ୱାର୍ଡରେ ପ୍ରଚାର କରିଥିବା ବେଳେ ବିଜେପି ପକ୍ଷରୁ ଏକ ବାଇକ ଶୋଭାଯାତ୍ରାରେ ୨୪ ୱାର୍ଡ ପରିକ୍ରମା କରିବ । ବିଜେପିର ଅନ୍ୟ ନେତାମାନେ ମଧ୍ୟ ବିଭିନ୍ନ ବ୍ଲକରେ ପ୍ରଚାରକୁ ଜୋରଦାର କରିଛନ୍ତି । କଂଗ୍ରେସ ପକ୍ଷରୁ ପିସିସି ସଭାପତି ଶରତ ପଟ୍ଟନାୟକଙ୍କ ନେତୃତ୍ୱରେ ବିଧାୟକ ସନ୍ତୋଷ ସିଂ ସାଲୁଜାଙ୍କ ସହ କଂଗ୍ରେସ ପ୍ରାର୍ଥୀ ତରୁଣ ପାଣ୍ଡେ ଲାଇକେରା ବ୍ଲକ ରେ ପ୍ରଚାର କରିବେ ।