ଝାରସୁଗୁଡ଼ା ୨୬/୦୪: ଝାରସୁଗୁଡା ଉପନିର୍ବାଚନ । ହାତରେ ଆଉ ମାତ୍ର ୧୪ ଦିନ ଥିବା ବେଳେ ପ୍ରଚାର ସରିବାକୁ ରହିଛି ୧୨ ଦିନ । ତେଣୁ ସବୁ ଦଳ ପ୍ରାର୍ଥୀ ନିଜର ପ୍ରଚାରକୁ ଜୋର କରିଛନ୍ତି ।

ମଙ୍ଗଳବାର ସଂଧ୍ୟାରେ ବିଜେପି ମହିଳା ମୋର୍ଚ୍ଚା ରାଜ୍ୟ ସଭାନେତ୍ରୀ ସ୍ମୃତି ପଟ୍ଟନାୟକ ୧୪ ନମ୍ୱର ୱାର୍ଡରେ ଘରକୁ ଘର ବୁଲି ପ୍ରାର୍ଥୀ ଟଙ୍କଧର ତ୍ରିପାଠୀଙ୍କ ପାଇଁ ଭୋଟ ଭିକ୍ଷା କରିଥିବା ବେଳେ ବିଜେଡି ପ୍ରାର୍ଥୀ ଦୀପାଳି ଦାସ ଝାରସୁଗୁଡା ପୋୖରାଞ୍ଚଳ ଓ ଲଇକେରାରେ ମହିଳା ସମାବେଶରେ ଯୋଗଦେଇ ଭୋଟ ଭିକ୍ଷା କରିଥିଲେ ।

ଅପରପକ୍ଷରେ ବିଜେଡି ପର୍ଯ୍ୟବେକ୍ଷକଙ୍କ ଉପସ୍ଥିତିରେ ବିଜେଡି ର ମିଶ୍ରଣ ପର୍ବରେ ଯୁବ କଂଗ୍ରେସ ସଭାପତିଙ୍କ ସହ ବହୁ ଯୁବକ ବିଜେଡିରେ ଯୋଗଦେଇ ଥିବା ବେଳେ ବିଜେପି ସାଂସଦ ସୁରେଶ ପୂଜାରୀଙ୍କ ଉପସ୍ଥିତି ରେ ବିଜେପିରେ ମଧ୍ୟ ବହୁ ଯୁବକ ମିଶିଥିଲେ । କଂଗ୍ରେସ ପ୍ରାର୍ଥୀ ତରୁଣ ପାଣ୍ଡେ ମଧ୍ୟ ନିଜର ପ୍ରଚାର ଜାରି ରଖିଛନ୍ତି ।