ନୂଆଦିଲ୍ଲୀ: ଇଲେକ୍ଟ୍ରିକ୍ ବାହନ ପ୍ରଡକ୍ସନ ପାଇଁ କେନ୍ଦ୍ର ସରକାର ପ୍ରୋତ୍ସାହନ ଦେଉଥିବା ସତ୍ତ୍ୱେ ଏଲନ ମସ୍କଙ୍କ କମ୍ପାନୀ ଟେସ୍ଲା ଭାରତ ଆସିଲାନି। ହେଲେ ଏହାର ପ୍ରତିଦ୍ୱନ୍ଦ୍ୱୀ ଚୀନର ବିୱାଇଡି କମ୍ପାନୀ ଭାରତରେ ଲାଭ ଉଠାଉଛି। ବିୱାଇଡି ଇଣ୍ଡିଆ ଭାରତରେ ସୁଲଭ ମୂଲ୍ୟରେ ବିୱାଇଡି ଅଟ୍ଟୋ ୩ ଲଞ୍ଚ କରିଛି। ଯାହାର ମୂଲ୍ୟ ୨୪.୯୯ ଲକ୍ଷରୁ(ଏକ୍ସ ଶୋର ରୁମ) ଆରମ୍ଭ ହୋଇଛି। କାରରେ କସମସ ବ୍ଲାକ୍ କଲର ଅପସନ ସହ ଆସିବ।
ବିୱାଇଡି ଅଟ୍ଟୋ -୩ କାର୍ ୩ଟି ଭ୍ୟାରିଏଣ୍ଟରେ ଲଞ୍ଚ କରିଛି। କାର୍ର ଡାଇନାମିକ୍ ମଡେଲ୍ ଏକ୍ସଶୋ ରୁମ ମୂଲ୍ୟ ୨୪.୯୯ ଲକ୍ଷ ରଖାଯାଇଥିବା ବେଳେ ପ୍ରିମିୟମ ୨୯.୮୫ ଲକ୍ଷ ଓ ସୁପରିୟର ୩୩.୯୯ ଲକ୍ଷ ଟଙ୍କା ରଖାଯାଇଛି। ଡାଇନାମିକ୍ ଭାରିଆଣ୍ଟ ଫୁଲ୍ ଚାର୍ଜରେ ୪୬୮ କିଲୋମିଟରର ଯାଉଥିବା ବେଳେ ଏହା ଏଆର୍ଏଆଇ ସାର୍ଟିଫାଏଡ୍। ସେହିପରି ପ୍ରିମିୟମ୍ ଏବଂ ସୁପ୍ରିଅର୍ ଭାରିଆଣ୍ଟଗୁଡିକ ଫୁଲ୍ ଚାର୍ଜରେ ୫୨୧ କିମି ଯିବ ବୋଲି କମ୍ପାନୀ ଦାବି କରିଛି।
ବିୱାଇଡି ଅଟ୍ଟୋ -୩ ଡାଇନାମିକ୍ ଭାରିଆଣ୍ଟରେ ୪୯.୯୨କିଲୋୱାଟ ବ୍ୟାଟେରୀ ପ୍ୟାକ୍ ଏବଂ ପ୍ରିମିୟମ୍ ଏବଂ ସୁପିଅର୍ ଭାରିଆଣ୍ଟରେ ୬୦.୪୮ କିଲୋୱାଟ ବ୍ୟାଟେରୀ ପ୍ୟାକ୍ ରହିଛି। ବିୱାଇଡି ଅଟ୍ଟୋ -୩ ଏଲଇଡି ହେଡଲ୍ୟାମ୍ପ ଏବଂ ଟାଇଲମ୍ପ, ଇଲେକ୍ଟ୍ରିକ୍ ସ୍ଲାଇଡ୍ ଏବଂ ଆଣ୍ଟି-ପିଚ୍ ସହିତ ପାନୋରାମିକ୍ ସନ୍ପ୍ରୁଫ୍,ଇଲେକ୍ଟ୍ରିକ୍ ଅନଲକ୍ ଟାଇଲଗେଟ, ୱାନ୍ ଟଚ୍ ଓପନ/ କ୍ଲୋଜ୍ ଟାଇଲଗେଟ, ରୁଫ ରେଲ୍, ଏବଂ ବ ଇଲେକ୍ଟ୍ରିକାଲ ଭାବରେ ଉତ୍ତାପ ଏବଂ ନିୟନ୍ତ୍ରିତ ORVM ସହିତ ୧୮ ଇଞ୍ଚର ଏଲୟ ହ୍ୱିଲ୍ ରହିଛି।
ଇଭିର ଭିତର ଭାଗରେ ଏକ ଛଅ-ପାୱାର୍-ଆଡଜଷ୍ଟେବଲ୍ ଡ୍ରାଇଭର ସିଟ୍, ଚାରି-ପାୱାର୍-ଆଡଜଷ୍ଟେବଲ୍ କୋ-ଡ୍ରାଇଭର ସିଟ୍, ୬୦/୪୦ ସ୍ପ୍ଲିଟ୍ ଫୋଲ୍ଡ ରିୟର ସିଟ୍, ମଲ୍ଟି କଲର ଗ୍ରାଡିଏଣ୍ଟ୍ ଆମ୍ବିଏଣ୍ଟ୍ ଲାଇଟିଂ, ପାଞ୍ଚ ଇଞ୍ଚର ଡିଜିଟାଲ୍ ଇନଷ୍ଟ୍ରୁମେଣ୍ଟ୍ ପ୍ୟାନେଲ୍, ଆପଲ୍ କାରପ୍ଲେ ଏବଂ ଆଣ୍ଡ୍ରଏଡ୍ ଅଟୋ ସହ ୧୨.୮-ଇଞ୍ଚର ରୋଟୋଟିଂ ଟଚ୍ସ୍କ୍ରିନ ରହିଛି।
ଆଠ ସ୍ପିକର, ଅଟୋମେଟିକ କ୍ଲାଇମେଟ କଣ୍ଟ୍ରୋଲ, ୱୟାରେଲସ୍ ଫୋନ୍ ଚାର୍ଜର ଏବଂ ଆଣ୍ଟି-ପିଞ୍ଚ ସହ ଚାରି ଦ୍ୱାରର ୱିଣ୍ଡୋ ୱାନ ଟଚ୍ ଅପ୍ ଡାଉନ୍ ସୁବିଧା ଦିଆଯାଛି।
ସୁରକ୍ଷା ଦୃଷ୍ଟିରୁ ମଧ୍ୟ ବିୱାଇଡି ଅଟ୍ଟୋ ୩ କାର୍ ମଜଭୁତ ରହିଛି। ଏଥିରେ ଏୟାରବ୍ୟାଗ, ୩୬୦-ଡିଗ୍ରୀ ଭ୍ୟୁ ମନିଟର, ଟିପିଏମ୍ଏସ୍, ଆଗ ଦୁଇଟି ରାଡାର, ପଛ ଚାରି ରାଡାର, ଅଟୋ ହୋଲ୍ଡ, ଇଲେକ୍ଟ୍ରିକ୍ ପାର୍କିଂ ବ୍ରେକ୍ ସିଷ୍ଟମ୍, ଏବିଡି ସହିତ ଏବିଏସ୍, ଇଲେକ୍ଟ୍ରୋନିକ୍ ଷ୍ଟାବିଲିଟି ପ୍ରୋଗ୍ରାମ, ଟ୍ରାକ୍ସନ୍ କଣ୍ଟ୍ରୋଲ୍ ସାଗଂକୁ ସିଷ୍ଟମ୍ ଏବଂ ସମସ୍ତ ଚାରିଟି ଡିସ୍କ ବ୍ରେକ୍ ରହିଛି।
BYD ଇଣ୍ଡିଆ ବର୍ତ୍ତମାନ ତିନୋଟି ଇଭି ସିଲ୍ ସେଡାନ୍, ଅଟୋ ୩, ଏସୟୁଭି ଏବଂ e6 MPV ନାଁରେ ୩ଟି କାର୍ ଛାଡ଼ିଛି। ଦେଶର ୨୩ ଟି ସହରରେ ଥିବା ୨୬ ଶୋ’ରୁମ୍ କାର୍ ଉପଲବ୍ଧ ରହିଛି।
