ବାଲେଶ୍ବର୧୬/୧୨: ମୋବାଇଲ କିଣନ୍ତୁ, ପିଆଜ ମାଗଣାରେ ନିଅନ୍ତୁ। ଏଭଳି ଅଫର ଦେଇଛନ୍ତି ଜଣେ ମୋବାଇଲ ଦୋକାନୀ। ବାଲେଶ୍ବର ସହରର ମୋତିଗଂଜ ବଜାରରେ ଏମିତି ସ୍କିମ୍ କରିଛନ୍ତି ଜଣେ ମୋବାଇଲ ଦୋକାନୀ । ମୋବାଇଲ ଦାମ ଆଧାରରେ ଏକ କିଲୋରୁ ୫ କିଲୋ ପର୍ଯ୍ୟନ୍ତ ପିଆଜ ଗିଫ୍ଟ ଦିଆଯାଉଛି । ମୋବାଇଲ ଦୋକାନୀଙ୍କ ଏହି ଅଭିନବ ପ୍ରୟାସ ଗ୍ରାହକଙ୍କୁ ବେଶ ଆକୃଷ୍ଟ କରିଛି।
{"id":198517,"sizeSlug":"large"}ମୋବାଇଲ ଦୋକାନ ଭିତରେ ପିଆଜ ରହିଛି । ଏଠାରେ ପିଆଜ ବିକ୍ରି କରାଯାଉ ନାହିଁ ବରଂ ମୋବାଇଲ ଗ୍ରାହକଙ୍କୁ ମାଗଣାରେ ପିଆଜ ଦିଆଯାଉଛି । ୫ ହଜାର ଟଙ୍କାର ମୋବାଇଲରୁ ପିଆଜ ସ୍କିମ ଆରମ୍ଭ ହୋଇଛି। ଏହିଭଳି କୌତୁହଳିଆ ସ୍କିମକୁ ନେଇ ଗ୍ରାହକ ବି ଖୁସି ଅଛନ୍ତି।
{"id":198518,"sizeSlug":"large"}ବାଲେଶ୍ବର ସହରର ମୋତିଗଂଜ ସିନେମା ଛକରେ ଏହି ମୋବାଇଲ ଦୋକାନ ରହିଛି । ଆଜିଠାରୁ ଦୋକାନ ମାଲିକ ଏହି ପିଆଜ ସ୍କିମ କରିଛନ୍ତି। ଏହି ସଂପର୍କରେ ଗତକାଲି ମାଇକ ଯୋଗେ ପ୍ରଚାର ମଧ୍ୟ କରାଯାଇଥିଲା। ଏକ ସପ୍ତାହ ପାଇଁ ଏହି ପିଆଜ ସ୍କିମ୍ ଏଠାରେ ଚାଲିବ ବୋଲି ଦୋକାନର ମାଲିକ କହିଛନ୍ତି।