ନୂଆଦିଲ୍ଲୀ ୨୩।୦୬ : ଦମ୍ଦାର ଫର୍ମରେ ଜସ୍ ବଟଲର୍ । ପ୍ରଥମ ଆଇପିଏଲ୍ ଆଉ ଏବେ ଆନ୍ତର୍ଜାତିକ କ୍ରିକେଟ୍ରେ ବି ଧମାଲ ମଚାଉଛନ୍ତି ଏହି ଷ୍ଟାର ବ୍ୟାଟସମ୍ୟାନ୍ । ନେଦରଲ୍ୟାଣ୍ଡ ବିପକ୍ଷରେ ତୃତୀୟ ଦିନିକିଆରେ ବଟଲର ଅପରାଜିତ ୮୬ ରନ୍ର ଅଧିନାୟକ ପାରି ଖେଳିଥିଲେ । ଯାହାଫଳରେ ନେଦରଲ୍ୟାଣ୍ଡକୁ ଇଂଲଣ୍ଡ ୮ଓ୍ୱିକେଟ୍ରେ ପରାସ୍ତ କରି ୩-୦ରେ ସିରିଜ୍ କବ୍ଜା କରିଛି । ତେବେ ଏହି ମ୍ୟାଚ୍ରେ ଏକ ବିରଳ ଛକ୍କ ଦେଖିବାକୁ ମିଳିଥିଲା ବଟଲର୍ଙ୍କ ବ୍ୟାଟ୍ରୁ ।
wp:html/wp:html🤣🤣🤣🤣🤣🤣 pic.twitter.com/SYVCmHr2iD
— Sachin (@Sachin72342594) June 22, 2022
ତୃତୀୟ ଦିନିକିଆରେ ପ୍ରଥମ ବ୍ୟାଟିଂ କରି ନେଦରଲ୍ୟାଣ୍ଡ ୨୪୪ ରନ୍ କରିଥିଲା । ଏହାକୁ ପିଛା କରିବାକୁ ପଡିଆକୁ ଓହ୍ଲାଇଥିଲେ ଇଂଲଣ୍ଡ ବ୍ୟାଟର ।ଦଳୀୟ ସ୍କୋର ୮୫ ରନ୍ ହୋଇଥିବା ବେଳେ ଇଂଲଣ୍ଡକୁ ଲାଗିଥିଲା ଡବଲ୍ ଝଟ୍କା । ଏହାପରେ ଆସିଥିଲେ ଅଧିନାୟକ ଜସ୍ ବଟଲର । ଆଉ ଆରମ୍ଭ କରିଥିଲେ ଦମ୍ଦାର ବ୍ୟାଟିଂ । ୬୪ ବଲ୍ରେ ସଂଗ୍ରହ କରିଥିଲେ ୮୬ ରନ୍ । ଏଥିରେ ୫ଟି ଛକ୍କା ସହ ୭ଟି ଚୌକା ସାମିଲ ରହିଥିଲା । ତେବେ ୨୯ ତମ ଓଭରରେ ଦେଖିବାକୁ ମିଳିଲା ଏକ ଅଜବ । ନେଦରଲ୍ୟାଣ୍ଡ ବୋଲର ମିକାରେନ୍ ୨୯ତମ ଓଭରର ୫ବଲ୍ ବୋଲିଂ କରିଥିଲେ । ବଲ୍ରୁ ଗୋଟିଏ ଡ୍ରପ ବଦଳରେ ଖାଇଥିଲା ୨ଟି ଡ୍ରପ । ଯାହାକି ଏକ ଡେଡ୍ ବଲ ବୋଲି କୁହାଯାଇଥିଲା । କିନ୍ତୁ ବଟଲର ୨ଟି ଡ୍ରପ ଖାଇଥିବା ବଲ୍ର ପିଛା କରିଥିଲେ ଆଉ ମାରିଥିଲେ ଏକ ବିଶାଷ ଛକ୍କା । ଯାହାକି ଏକ ଅଜବ ପ୍ରକାର ସଟ୍ ଥିଲା । ବଟଲରଙ୍କ ଏପରି ସଟ୍ ଦେଖି ଷ୍ଟାଡିୟମ୍ରେ ଥିବା ଦର୍ଶନକ ଖୁବ୍ ଜୋରରେ ପାଟି କରିଥିଲେ । କ୍ୟାମେରା ଏହି ଭିଡିଓଟି ଦେଖିବାକୁ ବେଶ୍ କୌତୁହଳ ଲାଗୁଥିଲା ।
ସୂଚନାଯୋଗ୍ୟ ଯେ, ନେଦରଲ୍ୟାଣ୍ଡ ବିପକ୍ଷ ସିରିଜ୍ରେ ବଟଲର୍ ପ୍ଲେୟର ଅଫ୍ ସିରିଜ୍ ହୋଇଛନ୍ତି । ୨ଟି ପାରିରେ ମୋଟ ୨୪୮ ରନ୍ ସଂଗ୍ରହ କରିଥିଲେ । ଏହାମଧ୍ୟରେ ମୋଟ ୧୪ଟି ଚୌକା ଓ ୧୯ଟି ଛକ୍କା ସାମିଲ ରହିଛି । ସେହିପରି ୨୦୨୨ର ଆଇପିଏଲ୍ରେ ୧୭ଟି ମ୍ୟାଚ୍ ଖେଳି ୮୬୩ ରନ୍ ସଂଗ୍ରହ କରିଥିଲେ । ଏହାମଧ୍ୟରେ ୧୧୬ ସର୍ବାଧିକ ସ୍କୋର ରହିଛି ।