କରଞ୍ଜିଆ ୧୬।୦୨:  ମୟୁରଭଞ୍ଜ ଜିଲ୍ଲା କରଞ୍ଜିଆ ରୋଡ କେନ୍ଦୁମୁଣ୍ଡି ନିକଟରେ ସଡକ ଦୁର୍ଘଟଣା ଘଟିଛି । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ଛାନ୍‌ଭିନ୍‌ ଆରମ୍ବ କରିଛି ।

ସୂଚନାଯୋଗ୍ୟ ଯେ, ଭୁବନେଶ୍ବରରୁ କରଞ୍ଜିଆ ଆସୁଥିଲା ପୂଜାରଣୀ ବସ୍‌ । ତେବେ କେନ୍ଦୁମୁଣ୍ଡି ନିକଟରେ ସ୍କୁଟିରେ ଆସୁଥିବା ଜଣେ ଯୁବକ ତଳେ ପଡିଯାଇଥିଲା । ପଛରେ ଆସୁଥିବା ବସ୍‌ଟି ସ୍କୁଟି ଚାଳକ ଉପରେ ଚଢିଯାଇଥିଲା । ଘଟଣାସ୍ଥଳରେ ସ୍କୁଟି ଚାଳକଙ୍କ ମୃତ୍ୟୁ ହୋଇଯାଇଥିଲା । ବସ୍ ଡ୍ରାଇଭର  ଓ ହେଲ୍‌ପର ଘଟଣାସ୍ଥଳରୁ ଫେରାର ହୋଇଯାଇଛନ୍ତି । ମୃତକଙ୍କ ପରିଚୟ ମିଳିପାରିନାହିଁ । ପୋଲିସ  ଦୁର୍ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି । ଏବଂ ତଦନ୍ତ ଜାରି ରଖିଛି ।