କେନ୍ଦ୍ରାପଡ଼ା ୨୫।୧୨ : କେନ୍ଦ୍ରପଡ଼ା ସଦର ଥାନା ଲୋକନାଥପୁର ଛକରେ ଦୁର୍ଘଟଣା । ରାସ୍ତାକଡ଼କୁ ଓଲଟିପଡିଲା ପିକ୍ନିକ୍ ବସ୍ । ଯେଉଁଥିରେ ଏକାଧିକ ଲୋକେ ଆହତ ହୋଇଛନ୍ତି । ସମସ୍ତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ଶନିବାର ବିଳମ୍ବିତ ରାତିରେ ଅରଡ଼ପଲ୍ଲୀରେ ଏକ ପିକନିକ୍ ଦଳକୁ ଛାଡି କେନ୍ଦ୍ରାପଡା ଫେରୁଥିଲା । ଏହା ସମୟରେ ବସଟି ଭାରସାମ୍ୟ ହରାଇ ରାସ୍ତା ତଳକୁ ଖସି ପଡିଥିବା ଜଣାପଡିଛି l ଶ୍ରୀମନ୍ଦିର ନାମକ ନାମକ ଏହି ଘରୋଇ ବସ୍ ଘନ କୁହୁଡ଼ି ଯୋଗୁଁ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି l ଦୁର୍ଘଟଣାରେ ବସର ଡ୍ରାଇଭର ଓ ହେଲପର ଗୁରୁତର ଆହତ ହୋଇଛନ୍ତି l ଉଭୟଙ୍କୁ ଚିକିତ୍ସା ପାଇଁ କେନ୍ଦ୍ରାପଡ଼ା ଜିଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି l