ବରଗଡ଼ ୦୫।୦୨ : ମର୍ମନ୍ତୁଦ ସଡ଼କ ଦୁର୍ଘଟଣା । ଟୁରିଷ୍ଟ ବସ୍‌କୁ ପଛପଟୁ ଧକ୍କା ଦେଲା କଣ୍ଟେନର । ଯେଉଁଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ସାତ ଜଣ ଆହତ ହୋଇଛନ୍ତି । ସମସ୍ତ ଆହତଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।

ଖବର ଅନୁଯାୟୀ, ବରଗଡ଼ରୁ ରାୟପୁର ୫୩ ନମ୍ବର ଜାତୀୟ ରାଜପଥ ସୋହେଲା କଲେଜ ପାଖରେ ଦୁର୍ଘଟଣା ଘଟିଛି । ଏକ ଟୁରିଷ୍ଟ ବସ୍‌କୁ ପଛପଟୁ ଧକ୍କା ଦେଲା କଣ୍ଟେନର ।  ଘଟଣାସ୍ଥଳରେ ଜଣେ ମୃତ୍ୟୁ ହୋଇଥିବା ସାତ ଜଣ  ଆହତ ହୋଇଛନ୍ତି । ସମସ୍ତ ଆହତଙ୍କୁ ବୁର୍ଲା ବଡ଼ ମେଡ଼ିକାଲ ରେ ଭର୍ତ୍ତି କରାଯାଇଛି । ତେବେ ବସର ସମସ୍ତ ଯାତ୍ରୀ ଉତ୍ତର ପ୍ରଦେଶ ଓ ମହାରାଷ୍ଟ୍ରର  ଏବଂ ମୃତ ବ୍ୟକ୍ତିଙ୍କ ନାଁ ଅଶୋକ ଚିନ୍ଦୁଆର୍ଦେ ବୋଲି ଜଣାପଡିଛି ।

ବସରେ ସମୁଦାୟ ୪୫ ଜଣ ଯାତ୍ରୀ ଚାରି ଧାମ ଯାତ୍ରାକୁ ବାହାରିଥିବା ବେଳେ ପୁରୀ ଜଗନ୍ନାଥ ଧାମ ଦର୍ଶନ କରି ମହାରାଷ୍ଟ୍ରକୁ ଫେରୁଥିଲେ । ତେବେ ସୋହେଲାର ଏକ ଢାବା ସମ୍ବୁଖରେ ଚା ପିଇବା ପାଇଁ ଅଟକି ଥିବା ବେଳେ ଏକ କଣ୍ଟେନର ପଛପଟୁ ବସକୁ ଧକ୍କା ଦେଇଥିଲା । ଏବେ ଘଟଣା ସ୍ଥଳରୁ କଣ୍ଟେନର ଡ୍ରାଇଭର ଫେରାର ଥିବା ବେଳେ ସୋହେଲା ପୋଲିସ ଘଟଣା ସ୍ଥଳକୁ ପହଞ୍ଚି ଏହାର ଅଧିକ ତଦନ୍ତ ଜାରି ରଖିଛି ।