ବାରିପଦା ୧୩।୦୩ : ଓଲଟିଲା ଯାତ୍ରୀବାହି ବସ୍‌ । ଏହି ଦୁର୍ଘଟଣାରେ କିଛି ଯାତ୍ରୀ ଆହତ ହୋଇଥିବା ସୂଚନା ମିଳିଛି । ଆହତ ଯାତ୍ରୀଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ମୟୁରଭଞ୍ଜ ଜିଲ୍ଲା କୃଷ୍ଣଚନ୍ଦ୍ରପୁର ପ୍ଲାଏ ଓଭରବ୍ରିଜ୍‌ ନିକଟରେ ଘଟିଛି ଦୁର୍ଘଟଣା ।

ଖବର ଅନୁଯାୟୀ, ରାଇରଙ୍ଗପୁରରୁ ଭୁବନେଶ୍ୱର ଅଭିମୁଖେ ଆସୁଥିଲା ଇନ୍ଦ୍ରାଣୀ ନାମକ ଏକ ଯାତ୍ରୀବାହି ବସ୍‌ । ବିଳମ୍ବିତ ରାତି ୧୨ ଟା ୩୦ମିନିଟ୍‌ ସମୟରେ ୧୮ ନମ୍ବର ଜାତୀୟ ରାଜପଥ ପ୍ଲାଏଁ ଓଭର ନିକଟରେ ବସ୍‌ର ଚକ କୌଣସି କାରଣ ଫାଟିଯାଇଥିଲା । ଯାହାଫଳରେ ବସ୍‌ଟି ଭାରସାମ୍ୟ ହରାଇ ଓଲଟି ପଡିଥିଲା । ଏହି ଦୁର୍ଘଟଣା ଥିବା କିଛି ଯାତ୍ରୀ ଆହତ ହୋଇଥିବା ବେଳେ ବସ୍‌ ତଳେ ଜଣେ ଚାପି ହୋଇ ରହିଥିବାର ସୂଚନା ମିଳିଛି ।

ସେପଟେ ଦୁର୍ଘଟଣା ସଂପର୍କରେ ସ୍ଥାନୀୟଲୋକେ ପୋଲିସକୁ ଖବର ଦେଇଥିଲା । ଅଗ୍ନିଶମ ବାହିନୀ ଓ ପୋଲିସ ଘଟଣାସ୍ଥଳରେ ୱପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।