ସାଲେପୁର, ୧୨/୦୯: କଟକ ସାଲେପୁର ରାସ୍ତା ପଦ୍ମପୁର ଜଗନ୍ନାଥ ବଜାର ନିକଟରେ ମର୍ମନ୍ତୁଦ ଦୁର୍ଘଟଣା ଘଟିିଛି । ବାଇକ୍‌କୁ ବସ୍‌ ଧକ୍କା ଦେବା ଫଳରେ ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଛି । ଦୁର୍ଘଟଣା ଘଟାଇଥିବା ବସକୁ ଉତ୍ତ୍ୟକ୍ତ ଲୋକେ ଭଙ୍ଗାରୁଜା କରିଛନ୍ତି । ମୃତକ ରବିନ୍ଦ୍ର ସେଠୀଙ୍କ ଘର ଜଗତପୁର ଥାନା ପଧାନପଡା ଗାଁରେ ବୋଲି ଜଣାପଡ଼ିଛି । ଘଟଣା ସ୍ଥଳରେ ଉତ୍ତେଜନା ଦେଖିବାକୁ ମିଳିଛି । ଜଗତପୁର ପୋଲିସ ଲୋକଙ୍କୁ ବୁଝାସୁଝା ଜାରି ରଖିଛି । ରବିନ୍ଦ୍ରଙ୍କ ସହ ଥିବା ସହଯୋଗୀ ଗୁରୁତର ଅବସ୍ଥାରେ କଟକ ସ୍ଥାନାନ୍ତରିତ ହୋଇଛନ୍ତି ।ରବିନ୍ଦ୍ର ଓ ତାଙ୍କ ସହଯୋଗୀ ସାଲେପୁରରୁ ବାଇକରେ କଟକ ଯାଉଥିବା ବେଳେ ଏହି ଦୁର୍ଘଟଣା ଘଟିିଛି ।