ଭୁବନେଶ୍ୱର ୧୨।୧୨ : ରାସ୍ତା କଡ଼ରେ ଜଳିଗଲା ବସ୍ । ଭୁବନେଶ୍ବର କଟକ ରୋଡରେ ଜଳିଗଲା ମିନି ବସ୍ । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।
ଖବର ଅନୁଯାୟୀ, ସୋମବାର ଭୋର୍ ୪ ଟା ବେଳେ ରାସ୍ତା କଡ଼ରେ ଏକ ମିନି ବସ୍ ହୁତୁ ହୁତୁ ହୋଇ ଜଳିଯାଇଥିଲା । ସ୍ଥାନୀୟ ଲୋକେ ବସ୍ ଜଳିବା ଦେଖି ଦମକଳ ବାହିନୀକୁ ତୁରନ୍ତ ଖବର ଦେଇଥିଲେ । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ନିଆଁକୁ ଆୟତ୍ତ ପୂର୍ବରୁ ମିନି ବସଟି ସମ୍ପୂର୍ଣ ଜଳି ପୋଡ଼ି ପାଉଁଶ ହୋଇଯାଇଛି । ନିଆଁ ଲାଗିବା ସମୟରେ ବସରେ କେହି ଯାତ୍ରୀ ନଥିଲେ।
ତେବେ କେଉଁ କାରଣରୁ ଗାଡ଼ିରେ ନିଆଁ ଲାଗିଲା ତାହା ଅସ୍ପଷ୍ଟ ରହିଛି । ହଠାତ ବସଟି ଏଭଳି ଜଳିଯିବା ପଛରେ କଣ ରହିଥିଲା କାରଣ ତାକୁ ନେଇ ପୋଲିସ୍ ଓ ଅଗ୍ନିଶମ ବାହିନୀ ତଦନ୍ତ କରୁଛନ୍ତି ।