ବ୍ରହ୍ମପୁର ୧୮/୦୩: ବ୍ରହ୍ମପୁରର ପ୍ରସିଦ୍ଧ ମାଆ ବୁଢ଼ୀ ଠାକୁରାଣୀ ଯାତ୍ରା ପାଇଁ ସ୍ଥାପିତ ହେଲା ଶୁଭ ଖୁଣ୍ଟି । ଏପ୍ରିଲ ୪ ରୁ ଆରମ୍ଭ ହେବ ଯାତ୍ରା । ମେ ମାସ ୧ ତାରିଖରେ ବାପା ଘରୁ ବିଦାୟ ନେବେ ମାଆ । ହଜାର ହଜାର ଭକ୍ତଙ୍କ ଗହଣରେ ବାପା ଦେଶିବେହେରା ମାଆଙ୍କ ନିକଟରେ ପୂଜାର୍ଚନା କରି ଶୋଭାଯାତ୍ରାରେ ଆଣିଲେ ଶୁଭଖୁଣ୍ଟି । ନାଚ ବାଜା ବାଜଣାରେ ଉତ୍ସବ ମୁଖର ହେଲା ସହର ।

ଦେଶିବେହେରା ସାହିରେ ଗତକାଲି ରାତ୍ର ସମୟରେ ସର୍ବ ସାଧାରଣ ବୈଠକ ଅନୁଷ୍ଠିତ ହୋଇଥିଲା । ଯାତ୍ରା ଶୁଭ ସମୟ ନେଇ ସିଦ୍ଧାନ୍ତ ଗୁରୁ ଦିନ ଧାର୍ଯ୍ୟ ଜଣାଇଥିଲେ । ଏହାପରେ ଏକ ବିରାଟ ପାଟୁଆରରେ ଦେଶିବେହେରାଙ୍କ ଘର ଠାରୁ ମାଆ ବୁଢ଼ୀ ଠାକୁରାଣୀ ମନ୍ଦିର ଅଭିମୁଖେ ଯାତ୍ରା କାରି ସେଠାରେ ପୂଜାର୍ଚନା କରିଥିଲେ ।

ପରେ ମାଙ୍କ ଆଜ୍ଞମାଳ ପାଇବା ପରେ ମନ୍ଦିର ଠାରୁ ଦେଶିବେହେରାଙ୍କ ଘର ପର୍ଯ୍ୟନ୍ତ ଏକ ପାଟୁଆରରେ ଆସି ଶୁଭ ଖୁଣ୍ଟି ସ୍ଥାପନା କରାଯାଇଥିଲା । ଆଜି ଠାରୁ ଯାତ୍ରା ପ୍ରକ୍ରିୟା ଆରମ୍ଭ ହେଲା ବୋଲି କହିଛନ୍ତି ଯାତ୍ରା ଆୟୋଜକ ପି ଦୁର୍ଗା ପ୍ରସାଦ ଦେଶୀ ବେହେରା ।