oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୬୭ କୋଭିଡ୍ ପଜିଟିଭ୍
  • ||
  • ନବରାତ୍ରର ଦ୍ନିତୀୟ ଦିନ, ବ୍ରହ୍ମଚାରିଣୀ ରୂପେ ଦର୍ଶନ ଦେଉଛନ୍ତି ମାଆ ଜଗଦମ୍ୱା
  • ||
  • ରାଉରକେଲା : ବରିଷ୍ଠ ଆଇନଜୀବୀ ରମେଶ ବଳଙ୍କ ଆତ୍ମହତ୍ୟା, ଶ୍ୱଶୁର ଘରୁ ମିଳିଲା ଝୁଲନ୍ତା ମୃତଦେହ
  • ||
  • ଭୁବନେଶ୍ୱର : ଆସୁଛି ଆଉ ଏକ ଲଘୁଚାପ, ବର୍ଷାରେ ଭିଜିବ ଦଶହରା
  • ||

ସେୟାର ବଜାରକୁ ଗ୍ରହଣୀୟ ହେଲାନି ନିର୍ମଳାଙ୍କ ପ୍ରଥମ ବଜେଟ୍, ମୁହଁ ପୋତିଲେ ବିଏସଇ ଓ ନିଫ୍ଟି , ଜାଣନ୍ତୁ କାରଣ

5/07/2019 at 9:26 PM

ମୁମ୍ବାଇ:  କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରଣ ଶୁକ୍ରବାର ସଂସଦରେ ନରେନ୍ଦ୍ର ମୋଦିଙ୍କ ଦ୍ୱିତୀୟ ପାଳି ସରକାରର ପ୍ରଥମ ବଜେଟ୍ ଉପସ୍ଥାପନ କରିଛନ୍ତି। ଗୃହରେ ବଜେଟ୍ ଉପସ୍ଥାପିତ ହେବା ପରେ ଏହାର ସିଧା ପ୍ରଭାବ ପଡିଛି ସେୟାର ବଜାର ଉପରେ । ସକାଳେ ୮୨.୩୪ ପଏଣ୍ଟ ସହ ଖୋଲିଥିବା ବମ୍ବେ ଷ୍ଟକ୍ ଏକ୍ସଚେଞ୍ଜ ଗୃହରେ ବଜେଟ ଆଗତ ହେବାର ମାତ୍ର କିଛି ସମୟ ପରେ ୩୯୪.୬୭ ପଏଣ୍ଟ ହ୍ରାସ ସହ ୩୯,୫୧୩.୩୯ରେ ବନ୍ଦ ହୋଇଯାଇଥିଲା।

କେବଳ ବିଏସ୍ଇ ନୁହେଁ ଗୃହରେ ବଜେଟ୍ ପ୍ରାବଧାନ ଘୋଷଣା ପରେ ନିଫ୍ଟି ୧୩୫.୬୦ ପଏଣ୍ଟ ହ୍ରାସ ସହ ୧୧,୮୧୧.  ୧୫ରେ ବନ୍ଦ ହୋଇ ଯାଇଛି। ନିଫ୍ଟିରେ ୫୦ କମ୍ପାନୀ ମଧ୍ୟରୁ ମାତ୍ର ୬ଟି କମ୍ପାନୀ କାରବାର କରୁଥିବା ବେଳେ ବାକି ୪୪ଟି କମ୍ପାନୀଙ୍କ ସେୟାରରେ ଲାଲ ସଙ୍କେତ ଲାଗିଛି। ସେହିପରି ସେକ୍ଟରାଲ ଇଣ୍ଡେକ୍ସରେ ମଧ୍ୟ ୮ଟି ସେକ୍ଟରରେ ହ୍ରାସ ଦେଖାଯାଇଛି। ଏଥିରୁ ସେୟାର ବଜାର ପାଇଁ ବଜେଟ୍ ନିଶ୍ଚିତ ଅନୁକୁଳ ନୁହେଁ ତାହା ପ୍ରଥମ ଦିନରୁ ହିଁ ସ୍ପଷ୍ଟ ହୋଇ ଯାଇଛି। ତେବେ ଆସନ୍ତୁ ଜାଣିବା ଏହାର କାରଣ।

ଏହାର କାରଣ ସମ୍ପର୍କରେ ଇନାମ ହୋଲ୍ଡିଂସର ପିରଚାଳନା ନିର୍ଦେଶକ ମନିଷ ଚୌଖାନୀ ଯାହା କୁହନ୍ତି ତାହା ହେଉଛି ହାଇ ଇନକମ ଗ୍ରୁପ ଲୋକଙ୍କ ଉପରେ ଅତ୍ୟାଧିକ ଶୁଳ୍କ ବୃଦ୍ଧି।  ବାର୍ଷିକ ୫ କୋଟିରୁ ଅଧିକ ଆୟକାରୀ ବର୍ଗର ଲୋକଙ୍କ ଉପରେ ଏବେ ଶୁଳ୍କ ବୋଝ ପ୍ରାୟ ୪୨ ପ୍ରତିଶତରେ ପହଞ୍ଚିଛି। ସେହିପରି ୨ରୁ ୫ କୋଟି ଟଙ୍କା ଆୟକାରୀ ବର୍ଗଙ୍କ ଶୁଳ୍କ ହାର ଯଥାକ୍ରମେ ୩୫ରୁ ୩୮ ପ୍ରତିଶତରେ ପହଞ୍ଚିବା ନିବେଶକୁ ନିରାଶ କରିଛି। ସରକାରଙ୍କ ଏହି ନିଷ୍ପତ୍ତି ଯୋଗୁ ହାଇ ନେଟୱର୍ଥ ଇଣ୍ଡିଭିଜୁଅଲ୍ସ ଏଚଏନଆଇ ନିରାଶ ହୋଇଛନ୍ତି।  ଯାହା ମାର୍କେଟର ମୁଡକୁ  ଖରାପ କରିଦେଇଛି।

ସରକାରଙ୍କ ନିଷ୍ପତ୍ତିର ପ୍ରଭାବ ଆଗାମୀ ଦିନମାନଙ୍କରେ ମଧ୍ୟ ବଜାରରେ ଅନୁଭୂତ ହେବ। ନିବେଶକ ବିରୋଧୀ ବଜେଟ୍ ଯୋଗୁ ସେୟାର ବଜାର ଅସନ୍ତୁଳିତ ହେବା ସହ ଚମକ ହରାଇଛି। ସେହିପରି ବଜେଟ୍ ସେୟାର ବଜାର ନିବେଶକଙ୍କ ଆଗ୍ରହକୁ ପାଣି କରିଦେଇଥିବା ଅନ୍ୟ ଆର୍ଥିକ ବିଷାରଦମାନେ କହିଛନ୍ତି। ବାଇବ୍ୟାକ୍ ରେ ବି ସରକାରଙ୍କ ୨୦ ପ୍ରତିଶତ ଶୁଳ୍କ ନିବେଶକଙ୍କୁ ଅତ୍ୟନ୍ତ ନିରାଶ କରିଛି ବୋଲି ମଧ୍ୟ ଏବେ କେତେକ କହୁଛନ୍ତି ।

   Related Posts