ନୂଆଦିଲ୍ଲୀ ୦୧।୦୨ : ସଂସଦରେ ଉପସ୍ଥାପନ ହେଲା ସାଧାରଣ ବଜେଟ । ୨୦୨୩-୨୪ ବର୍ଷ ପାଇଁ ବଜେଟ୍ ଉପସ୍ଥାପିତ କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । କରୋନା ଲାଗି ଭାଙ୍ଗି ପଡିଥିବା ଅର୍ଥବ୍ୟବସ୍ଥାକୁ କିପରି ଟ୍ରାକ୍କୁ ଆଣିବାକୁ ହେବ ସେଥିପାଇଁ ଉଦ୍ୟମ କରୁଛନ୍ତି କେନ୍ଦ୍ର ସରକାର ।
ବିଶ୍ବରେ ମାନ୍ଦାବସ୍ଥା ଜାରି ରହିଛି ହେଲେ ଭାରତର ଆର୍ଥିକ ଅବସ୍ଥା ସ୍ଥିର ରହିଛି । ଜି-20 ଅଧ୍ୟକ୍ଷତା ଭାରତ ପାଇଁ ବଡ଼ ସୁଯୋଗ । ଗ୍ରୀନ ଗ୍ରୋଥ୍ ନେଇ କେନ୍ଦ୍ର ସରକାରଙ୍କ ଉଦ୍ୟମ ଜାରି ରହିବ । ବିଶ୍ୱରେ ମିଲେଟ୍ ହବ୍ ହେବ ଭାରତ । ଦେଶରେ ପ୍ରସ୍ତୁତ ମାଣ୍ଡିଆ ଖାଦ୍ୟକୁ ବିଶ୍ବ ସ୍ତରେରେ ପହଞ୍ଚାଇବାକୁ ଲକ୍ଷ୍ୟ ରଖିଛନ୍ତି କେନ୍ଦ୍ର ସରକାର।
ବଜେଟ୍ ଯୁବ ଓ ମହିଳାଙ୍କୁ ଗୁରୁତ୍ବ ଦିଆଯାଉଛି । ସମସ୍ତଙ୍କୁ ଅଭିବୃଦ୍ଧିରେ ପ୍ରାଥମିକତା ଦିଆଯିବ । ମହିଳା ସଶକ୍ତିକରଣ ଦିଗରେ ଅମୃତକାଳରେ ପ୍ରାଧାନ୍ୟ ଦିଆଯିବ । କୃଷି କ୍ଷେତ୍ରକୁ ତ୍ବରାନ୍ବିତ କରିବାକୁ ପାଣ୍ଠି ଗଠନ କରାଯିବ । ଉତ୍ପାଦନ ଉପରେ ବିଶେଷ ଫୋକସ୍ ଦିଆଯିବ । ଆତ୍ମନିର୍ଭର କ୍ଲିନ୍ ପ୍ଲାଣ୍ଟ ପ୍ରୋଗ୍ରାମ ଆରମ୍ଭ ହେବ । ନୂଆ ପ୍ରଯୁକ୍ତି ବ୍ୟବହାର ଦିଗରେ ବିଶେଷ ଧ୍ୟାନ ଦିଆଯିବ ବୋଲି କହିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ
ଭାରତରେ ମିଲେଟ୍ ହବ୍ ହେବ । ଭାରତୀୟ ମାଣ୍ଡିଆକୁ ବିଶ୍ବସ୍ତରରେ ପହଞ୍ଚାଯିବା ନେଇ ଉଦ୍ୟମ କରାଯିବ । ଭିତ୍ତିଭୂମି ଓ ନିବେଶ ଉପରେ ବିଶେଷ ପ୍ରାଥମିକତା ଦିଆଯିବ । ମହିଳା ଓ ଯୁବ ଶକ୍ତିଙ୍କୁ ଆତ୍ମନିର୍ଭର କରାଯିବ ନେଇ ଧ୍ୟାନ ଦେଉଛନ୍ତି ସରକାର ।
