ଧଳାଜହର ହବ୍ ପାଲଟିଛି ଶ୍ରୀକ୍ଷେତ୍ର, ଦ୍ୱିନ ଦ୍ୱିପ୍ରହରରେ ବେଧଡକ ବିକ୍ରି ହେଉଛି ବ୍ରାଉନସୁଗର

Published By : Prameya-News7 Bureau | July 20, 2022 IST

ପୁରୀ ୨୦/୦୭: ଧଳାଜହର ବ୍ୟବସାୟୀଙ୍କ ହବ୍ ପାଲଟିଛି ଶ୍ରୀକ୍ଷେତ୍ର। ଦିନ ଦ୍ବିପ୍ରହରରେ ବିକ୍ରି ହେଉଛି ଲକ୍ଷ ଲକ୍ଷ ଟଙ୍କାର ବ୍ରାଉନ ସୁଗାର । ପୁରୀ ବାସେଳୀ ସାହି ଥାନା ମିଶ୍ର ନୋଳିଆ ସାହିରେ କିଛି ଅସାଧୁ ବ୍ୟକ୍ତି ନିଜ ଘରେ ଏହି ବ୍ୟବସାୟ କରୁଛନ୍ତି ।

ପ୍ରତିଦିନ ସେଠାରେ ନିଶାଡିଙ୍କ ଭିଡ ଜମୁଥିବା ଦେଖିବାକୁ ମିଳିଛି। ନିଶାଡି ମାନେ ହାତରେ ପୁଳା ପୁଳା ଟଙ୍କା ଧରି ଘର ଭିତରକୁ ବଢାଉଛନ୍ତି । ଏହା ପରେ ଘର ଭିତରୁ ଏକ ପୁଡିଆରେ ଧଳାଜହର ମିଳିଯାଉଛି। ପୁଡିଆ ମିଳିବା ପରେ ନିଶାଡୀ ମାନେ ବାଇକରେ ବସି ପଳାଉଛନ୍ତି। ଯାହାର ଭିଜୁଆଲ ନ୍ୟୁଜ ସେଭେନ ହାତରେ ଲାଗିଛି ।

ମିଶ୍ର ନୋଳିଆ ସାହିରେ ଏଭଳି ଖୁଲମଖୁଲା ବ୍ରାଉନ ସୁଗାର ବିକ୍ରି ହେଉଛି । ଆଉ ନିଶା ଖାଇ ବିଭିନ୍ନ ଅପରାଧ ଘଟାଉଛନ୍ତି । କିନ୍ତୁ ସବୁ ଜାଣି ପୋଲିସ କାହିଁକି ଚୁପ୍ ବସିଛି । ସେନେଇ ସାଧାରଣରେ ପ୍ରଶ୍ନ ଉଠିଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.