Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ଭିଏଲସି ମିଡିଆ ପ୍ଲେୟାର ବ୍ୟାନ୍, ଓ୍ୱେବସାଇଟରେ ଆସୁଛି ଆଇଟି ଆକ୍ଟ ମେସେଜ୍
  • ||
  • ୨୪ ଘଣ୍ଟାରେ ଘନୀଭୂତ ହେବ ଲଘୁଚାପ, ପ୍ରଭାବରେ ଦୁଇଦିନ ପ୍ରବଳ ବର୍ଷିବ
  • ||
  • ରେଳ ଧାରଣାରୁ ମିଳିଲା ମନ୍ତ୍ରୀଙ୍କ ଭଣଜାଙ୍କ ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ଦେଶରେ ଉପରତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୫୮୧୫ କରୋନା ପଜିଟିଭ୍
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୦୩ କୋଭିଡ୍ ପଜିଟିଭ୍
  • ||
  • କନ୍ନଡ ଗାୟକ ଶିବମୋଗା ସୁବାନାଙ୍କ ଦେହାନ୍ତ, ୮୩ ବର୍ଷ ବୟସରେ ହୃଦଘାତରେ ପରଲୋକ
  • ||
  • ଲଘୁଚାପ ସକ୍ରିୟ : ଦୁଇ ଦିନ ଯାଏଁ ପ୍ରବଳ ବର୍ଷା, ଫୁଲୁଛି ବିଭିନ୍ନ ନଦୀ
  • ||

ଆତ୍ମସମର୍ପଣ କଲା ଗ୍ୟାଙ୍ଗଷ୍ଟର ବିକାଶ ଦୁବେର ଭାଇ, ଏନ୍‌କାଉଣ୍ଟର ଭୟରେ କୋର୍ଟରେ ଲୁଚିଥିଲା

23/12/2020 at 4:13 PM

ନୂଆଦିଲ୍ଲୀ ୨୩/୧୨: କାନପୁରର ବିକେରୁ ଗାଁରେ ୮ ଜଣ ପୋଲିସ କର୍ମଚାରୀଙ୍କୁ ହତ୍ୟା କରିଥିବା ଗ୍ୟାଙ୍ଗଷ୍ଟର ବିକାଶ ଦୁବେର ଭାଇ ଦୀପକ ଦୁବେ ଆତ୍ମସମର୍ପଣ କରିଛି। ଦୀପକ ଦୁବେ ଲକ୍ଷ୍ନୌର ଏକ ଅଦାଲତରେ ଆତ୍ମସମର୍ପଣ କରିଥିବା ଜଣାପଡ଼ିଛି। ମଙ୍ଗଳବାର ରାତିରେ ସମସ୍ତଙ୍କୁ ଲୁଚି ଚୁପଚାପ କୋର୍ଟରେ ପହଞ୍ଚି ଆତ୍ମସମର୍ପଣ କରିଛି ଦୀପକ ଦୁବେ।

କୋର୍ଟରେ ଦୋଷ ସ୍ବିକାର କରି ଆତ୍ମସମର୍ପଣ କରିଥିବା ଦୀପକ ଦୁବେକୁ କୋର୍ଟ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇଛନ୍ତି। ଏହା ପୂର୍ବରୁ ଦୀପକ ଉପରେ ୨୦ ହଜାର ଟଙ୍କାର ପୁରସ୍କାର ରାଶି ଘୋଷଣା କରିଥିଲା ଉତ୍ତରପ୍ରଦେଶ ପୋଲିସ। ଦୀପକ ଏମିତି ଲୁଚି ଛପି ସରେଣ୍ଡର କରିଛି ଯେ, ଏନେଇ ପୋଲିସ ଓ ମିଡିଆକୁ କୌଣସି ସୂଚନା ମିଳିପାରିନଥିଲା। ବୁଧବାର ଦିନ ଦୀପକର ସରେଣ୍ଡର ପ୍ରସଙ୍ଗ ସାର୍ବଜନୀନ ହୋଇଛି। ବିକେରୁ ମାମଲାରେ ଦୀପକ ଫେରାର ଥିଲା।

ଗତ ସପ୍ତାହରେ ଦୀପକର ଏକ କୋଟିର ସମ୍ପତି ଜବତ କରିଥିଲା ପୋଲିସ। ଦୀପକ ବିରୁଦ୍ଧରେ ଲକ୍ଷ୍ନୌର କୃଷ୍ଣା ନଗର ପୋଲିସ ଥାନାରେ ମାମଲା ରୁଜୁ ହୋଇଥିଲା। ୩ ଜୁଲାଇରେ ବିକେରୁ ମାମଲା ପରଠୁ ପୋଲିସ ଦୀପକକୁ ଖୋଜୁଥିଲା। ଏବେ ଯାଏ ଦୀପକ ପୋଲିସକୁ ଚକମା ଦେଇ ଖସି ବୁଲୁଥିଲା। କିନ୍ତୁ ଦୀପକକୁ ପୋଲିସର ଏନକାଉଣ୍ଟର ଭୟ ଘାରିଥିଲା ବୋଲି ଜଣାପଡ଼ିଛି। ତେଣୁ କୋର୍ଟ ପରିସରରେ ସୋମବାର ରାତିରୁ ଲୁଚି ବସିଥିଲା ଦୀପକ। ମଙ୍ଗଳାବର ସନ୍ଧ୍ୟାରେ କୋର୍ଟରେ ସେ ଆତ୍ମସମର୍ପଣ କରିଛି।

ସୂଚନାଯୋଗ୍ୟ, ବିକାଶ ଦୁବେ ଏନକାଉଣ୍ଟରରେ ପ୍ରାଣ ହରାଇଛି। କୁଖ୍ୟାତ ଗ୍ୟାଙ୍ଗଷ୍ଟର ବିକାଶ ଦୁବେ ଓ ତା ଗ୍ୟାଙ୍ଗ ଚଳିତ ବର୍ଷ ୩ ଜୁଲାଇରେ ବିକେରୁ ଗାଁରେ ପହଞ୍ଚିଥିବା ପୋଲିସ  କର୍ମଚାରୀଙ୍କ ଉପରେ ଅତର୍କିତ ଆକ୍ରମଣ କରିଥିଲେ। ଏଥିରେ ୮ ଜଣ ପୋଲିସ କର୍ମଚାରୀ ସହିଦ ହୋଇଥିଲେ। ଏହା ପରେ ୧୦ ଜୁଲାଇରେ ବିକାଶ ଦୁବେକୁ ପୋଲିସ ମଧ୍ୟପ୍ରଦେଶର ଉଜ୍ଜୈନରୁ ଗିରଫ କରି କାନପୁର ନେଉଥିଲା। ଏହି ସମୟରେ ହୋଇଥିବା ପୋଲିସ ଗାଡ଼ି ଦୁର୍ଘଟଣାରେ ବିକାଶ ଦୁବେ ଖସିଯିବାକୁ ଚେଷ୍ଟା କରୁଥିବା ବେ​‌ଳେ ପୋଲିସ ଗୁଳିରେ ଆଖି ବୁଜିଥିଲା।

   Related Posts