ବୌଦ୍ଧ ୨।୧: ପାରିବାରିକ କଳହର କରୁଣ ପରିଣତି । ପୁଅ ଭାଇକୁ ହାଣିଲା ଭାଇ। ବୌଦ୍ଧ ଜିଲ୍ଲାର ହରଭଙ୍ଗା ଥାନା ଅନ୍ତର୍ଗତ ହରିହରପୁର ଗ୍ରାମର କୁଳସାହିଠାରେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ।
ସୂଚନାଯୋଗ୍ୟ ଯେ, କବିରାଜ ପ୍ରଧାନ ଏବଂ ଜଗବନ୍ଧୁ ପ୍ରଧାନଙ୍କ ପରିବାର ମଧ୍ୟରେ ଦୀର୍ଘବର୍ଷ ହେଲା କଳହ ଲାଗିରହିଥିଲା । ଗତକାଲି ବିଳମ୍ବିତ ରାତିରେ ଏହି କଳହ ଉଗ୍ର ରୂପ ନେଇଥିଲା। କକା ପୁଅ ଭାଇକୁ ହାଣିଲା ଭାଇ । ମୃତକ ଜଣଙ୍କ ହେଉଛନ୍ତି କବିରାଜ ପ୍ରଧାନ।
ହତ୍ୟା ଘଟଣାରେ ୩ ଜଣଙ୍କୁ ପୋଲିସ ଅଟକ ରଖିଥିବା ବେଳେ ଜଣେ ଫେରାର ଥିବା ଜଣାପଡିଛି। ଅଭିଯୁକ୍ତମାନେ ହେଲେ ଜଗବନ୍ଧୁ ପ୍ରଧାନ, ତପନ ପ୍ରଧାନ, ଚତୁର୍ଭୁଜ ପ୍ରଧାନ । ପଞ୍ଚୁ ପ୍ରଧାନ ନାମକ ଜଣେ ଅଭିଯୁକ୍ତ ବର୍ତ୍ତମାନ ଫେରାର ଥିବା ଜଣାପଡିଛି। ଘଟଣାସ୍ଥଳରେ ହରଭଙ୍ଗା ପୋଲିସ ପହଁଚି ଘଟଣାର ତଦନ୍ତ ଆରମ୍ଭ କରିଛି।
