scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଏଲଏସିରେ ବ୍ୟାକ୍ ଫୁଟ୍‌ରେ ଚୀନ, ଲଦାଖ ଓ ଅରୁଣାଚଳରେ ୨୦୦ ପ୍ରକଳ୍ପ ଶେଷ କଲା ବିଆର୍‌ଓ  

13/01/2023 at 9:01 PM

ନୂଆଦିଲ୍ଲୀ: ଏଲଏସିରେ ଆଉ ଚଳିବନି ଚୀନ ଚାଲାକି । ଦୁଇ ବର୍ଷରେ ବିଆରଓ ନିର୍ମାଣ କରିଛି ସର୍ବାଧିକ ପ୍ରୋଜେକ୍ଟ । ଲାଇନ୍ ଅଫ୍ ଆକଚୁଆଲ୍ କଣ୍ଟ୍ରୋଲରେ ଡ୍ରାଗନ ବ୍ୟାକଫୁଟରେ ରହିଛି । ବିଆରଓ ଲଦାଖ ଓ ଅରୁଣାପ୍ରଦେଶ ସୀମାରେ ୨୦୦ରୁ ଅଧିକ ପ୍ରୋଜେକ୍ଟ ସଫଳତାର ସହ ନିର୍ମାଣ କରିଛି । ଏହା ଚୀନ୍‌କୁ ଚେକ୍ ଦେବାକୁ ବେଶ୍ ଗୁରୁତ୍ବପୂର୍ଣ୍ଣ ଭୂମିକା ଗ୍ରାହଣ କରିବ ।

ବୋର୍ଡର ରୋଡ୍ ଅର୍ଗାନାଇଜେସନ ଡିଜି ଲେଫ୍ଟନାଣ୍ଟ ଜେନେରାଲ ରାଜିବ୍ ଚୌଧୁରୀଙ୍କ କହିବା ଅନୁଯାୟୀ, କେନ୍ଦ୍ର ସରକାର ବିଆରଓ କାର୍ଯ୍ୟ ଉପରେ ଅଧିକ ଭରସା କରିବା ସହିତ ଅଧିକ ବଜେଟ୍ ଆବଣ୍ଟନ କରିଛନ୍ତି ।  ଆଉ ଏହାକୁ ଏଲଏସିରେ ସଫଳତାର ସମ୍ପନ୍ନ କରିଛି ବିଆରଓ । ଅତ୍ୟାଧୁନିକ ପ୍ରଣାଳୀ ପ୍ରୟୋଗ କରି କାର୍ଯ୍ୟଶୈଳୀରେ ପରିବର୍ତ୍ତନ ଆଣଛି । ୨୦୨୧ରେ ଲଦାଖ ଓ ଅରୁଣାଚଳ ପ୍ରଦେଶ ଏଲଏସିରେ ୧୦୨ଟି ପ୍ରକଳ୍ପ ସମ୍ପୂର୍ଣ୍ଣ କରିଛି । ଏଥିରେ ୮୭ଟି ବ୍ରିଜ୍ ଓ ୧୫ ରାଜପଥ ରହିଛି । ସେହିପରି ୨୦୨୨ରେ ୧୦୩ରେ ପ୍ରକଳ୍ପ ଶେଷ କରିଛି ବିଆରଓ । ଏଥିରେ ୬୭ଟି ବ୍ରିଜ୍, ୩୦ ରାଜପଥ ଓ ୬ଟି ହେଲିପ୍ୟାଡ୍ ରହିଛି ।   

୨ ବର୍ଷ ମଧ୍ୟରେ ୫ହଜାର ୧୨୫ କୋଟି ଟଙ୍କାର ପ୍ରଜୋକ୍ଟ ସଫଳତାର ସହିତ କାର୍ଯ୍ୟ ଶେଷ କରିଛି ବିଆରଓ । ୨୨ ପ୍ରତିଶତ ଲଦାଖରେ ଏବଂ ୩୦ ପ୍ରତିଶତ ଅରୁଣାଚଳରେ କାର୍ଯ୍ୟ ଚାଲିଛି । ବର୍ତ୍ତମାନ ଅରୁଣାଚଳ ପ୍ରଦେଶରେ ୪ଟି ଏବଂ ଲଦାଖରେ ୩ ପ୍ରକଳ୍ପ ଚାଲୁଛି । ବିଆରଓ ଗତ ୬୦ବର୍ଷ ମଧ୍ୟରେ ୪ଟି ଟର୍ଣ୍ଣେଲ ନିର୍ମାଣ କରିଥିବା ବେଳେ ବର୍ତ୍ତମାନ ୧୧ଟି ଟର୍ଣ୍ଣେଲର ନିର୍ମାଣ କାର୍ଯ୍ୟ ଚାଲିଛି ଏବଂ 9ଟିର କାମ ଶେଷ ପର୍ଯ୍ୟାୟରେ ପହଞ୍ଚିଛି ।   

ଏଲଏସିରେ ସବୁ ପ୍ରକାଣ ନିର୍ମାଣ ଉପରେ ଫୋକସ୍ ଦିଆଯାଉଛି ବୋଲି ଲେଫ୍ଟନାଣ୍ଟ ଜେନେରାଲ ରାଜିବ୍ ଚୌଧୁରୀ କହିଛନ୍ତି । ଲଦାଖରେ ୧୯ ହଜାର ଫୁଟ୍ ଉପରେ ରାସ୍ତା ନିର୍ମାଣ କରୁଛି ବିଆରଓ । ଡିଏସଡିବିଓର ବିକଳ୍ପ ଯୋଗାଯୋଗକୁ ମଜବୁତ୍ କରିଛି ବିଆରଓ । ସିଓକେରେ ବ୍ରିଜ୍ ନିର୍ମାଣ ପରେ ଯୁଦ୍ଧାଶସ୍ତ୍ର ସହଜରେ ସୀମାରେ ପହଞ୍ଚି ପାରୁଛି ବୋଲି ଡିଜି କହିଛନ୍ତି ।

   Related Posts