Hari omm 2
hari om films
AKK 2023
AKK2023
HARI-OMM_728X90_B
Showcase2022
hari om films
WEB_F-8
WEB_F-9
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

୪୦ ବର୍ଷରେ ୧୦ କୋଟିରୁ ଅଧିକ ଭାରତୀୟଙ୍କ ଜୀବନ ନେଇଥିଲେ ଇଂରେଜ, ନୂଆ ଅଧ୍ୟୟନରେ ବିଶେଷଜ୍ଞଙ୍କ ବଡ଼ ଖୁଲାସା

3/12/2022 at 10:44 PM

ନୂଆଦିଲ୍ଲୀ: ଭାରତ ଉପରେ ଇଂରେଜମାନେ ପ୍ରାୟ ୨୦୦ ବର୍ଷ ଧରି ଶାସନ କରିଥିଲେ । କୁହାଯାଉଛି ସେ ସମୟରେ ଇଂରେଜମାନେ ଭାରତର ପ୍ରାୟ ୪୫ ଟ୍ରିଲିୟନ ଡଲାର ସମ୍ପତ୍ତି ଲୁଟି ନେଇଥିଲେ । ଏବେ ଅଷ୍ଟ୍ରେଲିଆର ଦୁଇ ଜଣ ବିଶେଷଜ୍ଞ ଖୁଲାସା କରିଛନ୍ତି ଯେ ବ୍ରିଟିଶ ସରକାର ଉପନିବେଶବାଦର ୪୦ ବର୍ଷ ସମୟରେ ପ୍ରାୟ ୧୦ କୋଟି ଭାରତୀୟଙ୍କ ଜୀବନ ନେଇଥିଲା । ଏହାପରେ ବି ବ୍ରିଟେନରେ ଆଜି ମଧ୍ୟ ବଡ଼ ସଂଖ୍ୟାରେ ଲୋକମାନେ ଔପନିବେଶିକ ଇତିହାସକୁ ନେଇ ଗର୍ବ କରୁଛନ୍ତି । ନିୟାଲ ଫର୍ଗ୍ୟୁସନ ଏମ୍ପାୟର, ହାଓ ବ୍ରିଟେନ ମେଡ୍ ଦ ମଡର୍ନ ୱାର୍ଲଡ ଏବଂ ବ୍ରୁସ ଗିଲିଙ୍କ ଦ ଲାଷ୍ଟ ଇମ୍ପରିଆଲିଷ୍ଟ ପରି ଅନେକ ବିବାଦୀୟ ପୁସ୍ତକରେ ଦାବି କରାଯାଇଛି ଯେ ବ୍ରିଟିଶ ଔପନିବେଶବାଦ ଭାରତ ଏବଂ ଅନ୍ୟ ଉପନିବେଶରେ ସମୃଦ୍ଧ ଏବଂ ବିକାଶ ଆଣିଛି । ଦୁଇ ବର୍ଷ ପୂର୍ବେ YouGov ଗୋଟିଏ ସର୍ଭେ କରିଥିଲା ଏଥିରେ ବ୍ରିଟେନର ୩୨ ପ୍ରତିଶତ ଲୋକେ ଦେଶର ଔପନିବେଶିକ ଇତିହାସ ଉପରେ ସକ୍ରିୟ ରୂପେ ଗର୍ବ କରୁଛନ୍ତି ।

ଅର୍ଥନୀତି ଇତିହାସକାର ରବର୍ଟ ସି ଏଲନଙ୍କ ଅଧ୍ୟୟନ ଅନୁସାରେ, ବ୍ରିଟିଶ ଶାସନ କାଳରେ ଭାରତରେ ଅତ୍ୟଧିକ ଗରିବୀ ୧୮୧୦ ମସିହାର ୨୩ ପ୍ରତିଶତରୁ ବଢି ବିଂଶ ଶତାବ୍ଦୀର ମଧ୍ୟରେ ୫୦ ପ୍ରତିଶତରୁ ଅଧିକ ହୋଇଥିଲା । ବ୍ରିଟିଶ ଔପନିବେଶିକ କାଳରେ ପାରିଶ୍ରମିକ ହ୍ରାସ ପାଇଥିଲା । ଅକାଳ-ମରୁଡି-ଅନାହାର ଯୋଗୁଁ ଉନବିଂଶ ଶତାବ୍ଦୀରେ ଏହା ଇତିହାସର ସବୁଠୁ ତଳ ସ୍ତରରେ ପହଞ୍ଚିଥିଲା । ଉପନିବେଶବାଦରୁ ଭାରତୀୟ ଲାଭ ପାଇବା ଦୂର କଥା ବରଂ ଏହା ଏକ ମାନବୀୟ ବିପର୍ଯ୍ୟୟ ଥିଲା । ଏହାକୁ ବ୍ରିଟେନର ତତ୍କାଳୀନ ରାଜ ଶାସନ ଏବଂ ସେମାନଙ୍କ ଜରିଆରେ ନିଯୁକ୍ତ ଇଂରେଜ ଅଧିକାରୀ ତିଆରି କରିଥିଲେ ।

ବିଶେଷଜ୍ଞଙ୍କ ଦାବି ୧୮୮୦ରୁ ୧୯୨୦ ମସିହା ମଧ୍ୟରେ ବ୍ରିଟିଶ ସାମ୍ରାଜ୍ୟବାଦର ଶକ୍ତି ନିଜ ଉଚ୍ଚତମ ସ୍ତରରେ ପହଞ୍ଚିଥିଲା । ଏହା ବ୍ରିଟିଶ ପାଇଁ ଲାଭବାନ ଥିଲା, କିନ୍ତୁ ଭାରତ ପାଇଁ ବିନାଶକାରୀ ଥିଲା । ୧୮୮୦ ଦଶନ୍ଧିରେ ଆରମ୍ଭ ହୋଇଥିବା ଔପନିବେଶିକ ଶାସନର ଜନଗଣନାରୁ ସ୍ପଷ୍ଚ ଜଣାପଡୁଛି ଯେ, ଏହି ଅବଧିରେ ମୃତ୍ୟୁ ହାର ଅଧିକ ହୋଇଥିଲା । ୧୮୮୦ ଦଶନ୍ଧିରେ ପ୍ରତି ୧୦୦୦ ଜଣଙ୍କରେ ୩୭ ଜଣଙ୍କ ମୃତ୍ୟୁ ହେଉଥିଲା, ଯାହା ୧୯୧୦ ଦଶନ୍ଧିରେ ବଢି ୪୪ରେ ପହଞ୍ଚିଥିଲା । ସେହି ସମୟରେ ଭାରତୀୟଙ୍କ ହାରାହାରି ଜୀବନ ଆୟୁଷ ୨୬.୭ ବର୍ଷରୁ କମି ୨୧.୯ ବର୍ଷ ହୋଇଥିଲା ।

ନିକଟରେ ୱାର୍ଲଡ ଡେଭଲପମେଣ୍ଟ ଜର୍ନଲରେ ପ୍ରକାଶିତ ଏକ ପେପରରେ ୧୮୮୦ରୁ ୧୯୨୦ ମସିହା ମଧ୍ୟରେ ବ୍ରିଟିଶର ସାମ୍ରାଜ୍ୟବାଦୀ ନୀତି ପାଇଁ ଜୀବନ ହରାଇଥିବା ଲୋକଙ୍କ ଏକ ତଥ୍ୟ ପ୍ରକାଶ କରାଇଥିଲା । ଏହା ଅନୁସାରେ ୧୮୯୧ରୁ ୧୯୨୦ ଅବଧି ମଧ୍ୟରେ ବ୍ରିଟିଶ ଔପନିବେଶବାଦ କାରଣରୁ ପ୍ରାୟ ୫୦ ମିଲିୟନ ଅତିରିକ୍ତ ମୃତ୍ୟୁ ହୋଇଛି । ଏହି ସମୟରେ ପ୍ରାୟ ୫୦ ମିଲିୟନ ଲୋକଙ୍କ ମୃତ୍ୟୁ ସାମାନ୍ୟ କାରଣରୁ ହୋଇଛି । ମୋଟ ଉପରେ ଏହି ସମୟରେ ପ୍ରାୟ ୧୦୦ ମିଲିୟନ ଲୋକଙ୍କ ମୃତ୍ୟୁ ହୋଇଛି।

   Related Posts