previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୋର : ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ୍, ୩୦ରୁ ଅଧିକ ଆହତ
  • ||

ଟ୍ରାକ୍ଟର ପାରିହେବା ବେଳେ ଭାଙ୍ଗିଗଲା ପୋଲ, ଆଉ ତାପରେ…

28/08/2020 at 12:13 PM

ଆନନ୍ଦପୁର ୨୮।୦୮: ଟ୍ରାକ୍ଟର ପାରିହେବା ସମୟରେ ଭାଙ୍ଗିଗଲା ପୋଲ । କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଶାଳପଡ଼ା-ଦେଓଗାଁ ରାସ୍ତା ସରେଇ ଗାଁ ନିକଟ ଫାପୁଡିଆ ନାଳ ପୋଲ ଉପରେ ଘଟିଛି ଅଘଟଣ ଘଟିଛି । ଦୁର୍ଘଟଣାରେ ଜଣେ ଶ୍ରମିକ ଆହତ ହୋଇଥିବା ଜଣାପଡିଛି । ଆହତ ଶ୍ରମିକଙ୍କୁ ନିକଟସ୍ଥ ମେଡିକାଲରେ ଚିକିତ୍ସା ଲାଗି ଭର୍ତ୍ତି କରାଯାଇଛି ।

ସୂଚନାଯୋଗ୍ୟ ଯେ, ସରେଇ ଗାଁ ନିକଟ ଫାପୁଡିଆ ଉପରେ ଆଜି ସକାଳ ସମୟରେ ପାରିହେଉଥିଲା ଇଟା ବୋଝେଇ ଟ୍ରାକ୍ଟର । କିନ୍ତୁ ହଠାତ୍‌ ପୋଲ ଭାଙ୍ଗିଯିବା ଫଳରେ ଟ୍ରାକ୍ଟରଟି ଫସିଯାଇଛି । ଯାହାଫଳରେ ଜଣେ ଶ୍ରମିକ ଆହତ ହୋଇଛନ୍ତି । ପୋଲରେ ଖରାପ କାମ ଲାଗି ବର୍ଷେ ନପୁରୁଣ ପୁଣି ଥରେ ଭାଙ୍ଗି ଯାଇଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି ।  ବାରମ୍ବାର ଲକ୍ଷ ଲକ୍ଷ ଟଙ୍କା ଖର୍ଚ୍ଚ ହେଉଥିଲେ ମଧ୍ୟ ଠିକଣା ଭାବରେ କାମ ହେଉନଥିବା ଅଭିଯୋଗ ଆସିଛି ।

ସେପଟେ ଦୁର୍ଘଟଣାର ଖବର ସଂପର୍କରେ ଆନନ୍ଦପୁର ଆର ଏଣ୍ଡ  ବି ସହକାରୀ ଯନ୍ତ୍ରୀଙ୍କୁ ପଚରାଯିବାରୁ ସେ କହିଥିଲେ କି, ଗତ ବର୍ଷ ପୋଲ ଭାଙ୍ଗିବା ପରେ ଲୋକଙ୍କ ଚଳପ୍ରଚଳ ପାଇଁ ଅସ୍ଥାୟୀ ମରାମତି ହୋଇଥିବା କହିଛନ୍ତି । ତେବେ ଏହି ପୋଲ ଦେଇ ଭାରିଯାନ ଚଳାଚଳ ଉପରେ  ନିଷେଧ ଥିଲା ବୋଲି କହିଛନ୍ତି । ତେବେ ପ୍ରଶ୍ନ ଉଠୁଛି ଯେ, ଯଦି ନିଷେଧ ଥିଲେ, ତେବେ ଭାରିଯାନ ଚଳପ୍ରଚଳ ହେଉଥିଲା କିପରି । ସେହିପରି ପୋଲ ଓ ରାସ୍ତା ନିର୍ମାଣ ଖୁବ୍ ଶୀଘ୍ର ହେବ ବୋଲି ସହକାରୀ ଯନ୍ତ୍ରୀ କହିଛନ୍ତି ।

   Related Posts