scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବାହାଘରରେ ଖରାପ୍‌ ମେକ୍‌ଅପ୍‌ କରିବାରୁ ଥାନାରେ ଏତଲା ଦେଲା କନିଆ, ଚାଲିଛି ତଦନ୍ତ

7/12/2022 at 9:30 PM

ନୂଆଦିଲ୍ଲୀ, ୦୭/୧୨: ବାହାଘରରେ ଖରାପ ମେକ୍‌ଅପ୍‌ କରିବାରୁ ଥାନାରେ ମାମଲା । ପୋଲିସ୍‌ ନିକଟରେ ହାଜର ହେଲେ ବିୟୁଟି ପାର୍ଲର ମାଲିକ । ଏପରି ଏକ ଅଭାବନୀୟ ଘଟଣା ଘଟିଛି ମଧ୍ୟପ୍ରଦେଶର ଜବଲପୁରରେ । କନିଆଁର ମେକ୍‌ଅପ୍‌ ଖରାପ ହୋଇଯିବାରୁ ଜଣେ ବିୟୁଟିପାର୍ଲର କର୍ମୀଙ୍କ ସହ ଏହାର ମାଲିକ ଏବେ ହରଡ଼ଘଣାରେ ପଡ଼ିଛନ୍ତି । ପୋଲିସ୍‌ ନିକଟରେ ଏ ନେଇ କନିଆଁ ଜଣକ ମାମଲା ଦାୟର କରିଛନ୍ତି ।

ଏହାକୁ ନେଇ କୋଟୱାଲି ପୋଲିସ୍‌ ଏକ ମାମଲା ରୁଜୁ କରିଛି । ଥାନା ଅଧିକାରୀ ଅନିଲ୍‌ ଗୁପ୍ତାଙ୍କ ସୂଚନା ଅନୁସାରେ ଡିସେମ୍ୱର ୩ ତାରିଖରେ ଜଣେ ଯୁବତୀଙ୍କ ବିବାହ ହୋଇଥିଲା । ତାଙ୍କ ବିବାହରେ ମେକ୍‌ଅପ୍‌ ପାଇଁ ଯୁବତୀଙ୍କ ପରିବାର ମୋନିକା ମେକ୍‌ଅପ୍‌ ଷ୍ଟୁଡିଓର ପରିଚାଳକ ତଥା ମାଲିକ ମୋନିକା ପାଠକ୍‌ଙ୍କୁ ସମ୍ପର୍କ କରିଥିଲେ । ମୋନିକା ଏବଂ ଯୁବତୀଙ୍କ ମଧ୍ୟରେ ଟଙ୍କା ମଧ୍ୟ ଡିଲ୍‌ ହୋଇଥିଲା।  ମୋନିକା ଏନେଇ କହିଛନ୍ତି ଯେ ସେ ମେକ୍‌ଅପ୍‌ ପାଇଁ ୩ ହଜାର ୫ ଶହ ଟଙ୍କା ଫାଇନାଲ୍‌ କରିଥିଲେ । ସେ ତାଙ୍କ ମେକଅପ୍‌ ଦିନ ମଧ୍ୟ ସେଠାରେ ଉପସ୍ଥିତ ନଥିଲେ । ପାର୍ଲର ଷ୍ଟାଫ୍‌ ତାଙ୍କ ମେକ୍‌ଅପ୍‌ କରିଥିଲେ ଏବଂ ଖରାପ କରିଦେଇଥିଲେ । ଏନେଇ କନିଆଁ ମୋନିକାଙ୍କୁ ଫୋନ୍‌ କରି ଗାଳି କରିବା ସହ ଅସଭ୍ୟ ଭାଷା କହିଥିବା ସେ ପାଲଟା ଅଭିଯୋଗ ଆଣିଛନ୍ତି ।

ତେବେ ପରେ ସେନ୍‌ ୱେଲ୍‌ଫେୟାର୍‌ ଆସୋସିଏସନ୍‌ ଅଫିସ୍‌ର କର୍ମୀ ଏ ସମ୍ୱନ୍ଧରେ ଜାଣି ମଙ୍ଗଳବାର କନିଆଁଙ୍କୁ ଧରି ଥାନାକୁ ଯାଇଥିଲେ । ମୋନିକା ପାଠକଙ୍କ ନାମରେ ଏତଲା ଦେଇଥିଲେ । ଏହାକୁ ନେଇ ପୋଲିସ୍‌ ତଦନ୍ତ ଆରମ୍ଭ କରିଛି ।      

   Related Posts