ମୁମ୍ଵାଇ ୧୫।୦୯: ରଣବୀର କପୁର ଏବଂ ଆଲିଆ ଭଟ୍ଟଙ୍କ ଅଭିନୀତ 'ବ୍ରହ୍ମାସ୍ତ୍ର' ବକ୍ସ ଅଫିସରେ ଏକ ବ୍ଲକବଷ୍ଟର ହିଟ୍ ଦେଇଛି। ଦର୍ଶକମାନେ ଫିଲ୍ମର ପାର୍ଟ-୨ ବିଷୟରେ ପ୍ରଶ୍ନ କରିବା ଆରମ୍ଭ କରି ଦେଇଛନ୍ତି। ଫିଲ୍ମର ପାର୍ଟ-୨ରେ ରଣଭୀର ସିଂ ଏବଂ ଦୀପିକା ପାଦୁକୋନ ମୁଖ୍ୟ ଭୂମିକାରେ ନଜର ଆସିଥିବାର ଜଣାପଡିଛି। କିନ୍ତୁ ସବୁଠାରୁ ବଡ ପ୍ରଶ୍ନ ହେଉଛି, ଦର୍ଶକଙ୍କୁ ବ୍ରହ୍ମାସ୍ତ୍ର ପାର୍ଟ-୨ ପାଇଁ କେତେ ସମୟ ଅପେକ୍ଷା କରିବାକୁ ପଡିବ? ଏନେଇ ଏକ ସାକ୍ଷାତକାରରେ ନିର୍ଦ୍ଦେଶକ ଆୟାନ ମୁଖାର୍ଜୀ ଏହି ପ୍ରଶ୍ନର ଉତ୍ତର ଦେଇଛନ୍ତି।
କହିବାକୁ ଗଲେ ଆୟାନ ମୁଖାର୍ଜୀ ବ୍ରହ୍ମାସ୍ତ୍ର ପାର୍ଟ-୧ କରିବାକୁ ୫ ବର୍ଷ ସମୟ ନେଇଥିଲେ। ନିର୍ମାତା ଲକ୍ଡାଉନ୍ ଯୋଗୁଁ ଫିଲ୍ମ ପ୍ରସ୍ତୁତ କରିବାକୁ ବହୁତ ସମୟ ନେଇଥିଲେ। ଏହା ବ୍ୟତୀତ VFX ଏବଂ ଅନ୍ୟାନ୍ୟ ଜିନିଷ ଯୋଗୁଁ, ବହୁତ ସମୟ ଲାଗିଛି । କୁହାଯାଇଛି କି ଫିଲ୍ମର ପାର୍ଟ-୨ ପ୍ରାୟ ୨୦୨୫ରେ ମୁକ୍ତିଲାଭ କରିବ। ସେ କହିଛନ୍ତି ଯେ ପ୍ରଥମ ଭାଗ ଶେଷ କରିବାକୁ ବହୁତ ସମୟ ଲାଗିଥିଲା କିନ୍ତୁ ତିନି ବର୍ଷ ମଧ୍ୟରେ ଏହି ଚଳଚ୍ଚିତ୍ର ନିର୍ମାଣ ଏବଂ ରିଲିଜ୍ କରିବା ତାଙ୍କର ଲକ୍ଷ୍ୟ। ତାହା ହେଉଛି ଅୟାନ୍ ଫିଲ୍ମକୁ ଠିକ୍ ସମୟରେ ସମାପ୍ତ କରନ୍ତି, ତେବେ ପାର୍ଟ-୨ ୨୦୨୫ରେ ଦେଖିବାକୁ ମିଳିପାରେ।
କହିରଖୁଛୁ କି ରଣବୀର କପୁର ଏବଂ ଆଲିଆ ଭଟ୍ଟଙ୍କ ଅଭିନୀତ ଚଳଚ୍ଚିତ୍ର 'ବ୍ରହ୍ମାସ୍ତ୍ର'ର ପାର୍ଟ-୧ ବକ୍ସ ଅଫିସରେ ଜବରଦସ୍ତ ପ୍ରତିକ୍ରିୟା ପାଇଥିବାବେଳେ ସମାଲୋଚକମାନେ କହିଛନ୍ତି ଯେ ଫିଲ୍ମର କାହାଣୀରେ ଅଧିକ ଶକ୍ତି ନାହିଁ । କେବଳ ଭଲ VFX ଯୋଗୁଁ ଫିଲ୍ମ ପ୍ରତିକ୍ରିୟା ପାଉଛି ବୋଲି ତାରନ୍ ଆଦର୍ଶ କହିଛନ୍ତି।