ପୁରୀ୧୭|୯: ବ୍ରହ୍ମ ବିଭ୍ରାଟ ରିପୋର୍ଟ ସର୍ବ ସାଧାରଣରେ ପ୍ରକାଶ ଯୋଗ୍ୟ ନୁହେଁ । ଏହା ମହାପ୍ରଭୁଙ୍କ ଗୁପ୍ତନୀତି ସମ୍ପର୍କିତ ହୋଇଥିବାରୁ ସାର୍ବଜନୀନ କରିବା ଜରୁରୀ ନୁହେଁ ବୋଲି ଶ୍ରୀମନ୍ଦିର ପରିଚାଳନା କମିଟି ବୈଠକରେ ନିଷ୍ପତ୍ତି ହୋଇଛି । ବୈଠକରେ ଆଜି ବ୍ରହ୍ମ ବିଭ୍ରାଟ ରିପୋର୍ଟ ଉପସ୍ଥାପିତ ହୋଇଥିଲା ।ବ୍ରହ୍ମ ବିଭ୍ରାଟ ପାଇଁ ୧୦ରୁ ୧୫ଜଣ ସେବାୟତ ଦୋଷୀ ବୋଲି କୁହାଯାଇଛି । ସେମାନଙ୍କ ବିରୋଧରେ ୩ ମାସ ମଧ୍ୟରେ କାର୍ଯ୍ୟାନୁଷ୍ଠାନ ନିଆଯିବାକୁ ସ୍ଥିର ହୋଇଛି । ସେହିଭଳି ଆସନ୍ତା ଅକ୍ଟୋବର ପହିଲାରୁ ଆରମ୍ଭ ହେବ ଧାଡି ଦର୍ଶନ ବ୍ୟବସ୍ଥା । ଏଥିପାଇଁ ଶ୍ରୀମନ୍ଦିରର ୧୦୦ ଜଣ କର୍ମଚାରୀଙ୍କୁ ନିୟୋଜନ କରାଯିବ । ଏଥିସହ ପ୍ରଥମେ ଆନନ୍ଦବଜାରର ଅଭଡାର ମୂଲ୍ୟାୟନ ଓ ଅନୁଧ୍ୟାନ କରାଯାଇ ପରେ ରେଟ୍ ଚାଟ୍ ଲଗାଯିବବୋଲି ବୈଠକରେ ସ୍ଥିର ହୋଇଛି ।