Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ୱାଧିନତା ଦିବସ ଉତ୍ସବରେ ସାମିଲ ହେଲା ଗୁଗଲ, ଡୁଡଲ ମାଧ୍ୟମରେ ଜଣାଇଲା ଶୁଭେଚ୍ଛା
  • ||
  • ଭୂମିକମ୍ପରେ ଥରିଲା ହିମାଚଳ ପ୍ରଦେଶ, ରିକ୍ଟର ସ୍କେଲରେ ତୀବ୍ରତା ୨.୫
  • ||
  • ଅବପାତର ରୂପ ନେଲା ଲଘୁଚାପ, ସୋମବାରଠୁ କମିବ ବର୍ଷା
  • ||
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

ପ୍ରେମ କରି ବିଫଳ ହେବାପରେ ପ୍ରେମିକାର ଭାଇଙ୍କୁ ହତ୍ୟା

1/07/2019 at 4:51 PM

ବଲାଙ୍ଗିର ୧/୭: ବଲାଙ୍ଗିର ପୁଇଁନ୍ତଳା ଥାନା ବେଲବାହାଲି ଗାଁରେ ମର୍ଡର । ମୃତକ ହେଲେ ଗୋବର୍ଧନ ଗିରି । ଗୋବର୍ଦ୍ଧନ ବେଲବାହାଲି ଗାଁରେ ଥିବା ତାଙ୍କ ପିଇସୀ ଘରକୁ ବୁଲିବାକୁ ଯାଇଥିଲେ ।ପିଇସୀଙ୍କ ଦୁଇ ପୁଅ ନାନୁ ଏବଂ ଅଗନୁ ଗୋବର୍ଦ୍ଧନଙ୍କ ଦୁଇ ଭଉଣୀଙ୍କୁ ଭଲ ପାଇବା ସହ ବାହା ହେବା ପାଇଁ କହିଥିଲେ । ତେବେ ଗୋବର୍ଦ୍ଧନ ତାଙ୍କ ଭଉଣୀଙ୍କୁ ଅନ୍ୟତ୍ର ବିବାହ କରାଇଦେଇଥିଲେ । ଏଥିପାଇଁ ନାନୁ -ଅଗନୁଙ୍କ ପ୍ରତିଶୋଧ ନିଆଁରେ ଜଳୁଥିଲେ ।ତେଣୁ ଜୁନ୍ ୨୯ରେ ଦୁଇ ଅଭିଯୁକ୍ତ ଗୋବର୍ଦ୍ଧନଙ୍କୁ ବୁବେଲ ଗାଁକୁ ଡାକି ନେଇଥିଲେ ।

ଭାଟିରୁ ମଦ କିଣି ଏକ ବରଗଛ ତଳେ ବସି ପିଇଥିଲେ ସମସ୍ତେ । ଭଉଣୀଙ୍କୁ ଅନ୍ୟତ୍ର ବିବାହ କରାଇଥିବାରୁ ସେମାନଙ୍କ ମଧ୍ୟରେ ପାଟିତୁଣ୍ଡ ମଧ୍ୟ ହୋଇଥିଲା । ଗୋବର୍ଦ୍ଧନ ଦୁଇ ପିଇସୀ ପୁଅ ନାନୁ ଏବଂ ଅଗନୁଙ୍କୁ ଚାପୁଡ଼ା ମାରିଥିଲେ । ଏଥିରେ ଉଭୟ ନାନୁ ଏବଂ ଅଗନୁ ରାଗିଯାଇ ଗୋବର୍ଦ୍ଧନଙ୍କୁ ପଥରରେ ଛଚିଲେ ଏବଂ ତାଙ୍କ ଉପରେ ବାଇକ୍ ଚଢ଼ାଇ ଦେଲେ । ଗୁରୁତର ଅବସ୍ଥାରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲେ ବି ସେଠାରେ ଗୋବର୍ଦ୍ଧନଙ୍କ ମୃତ୍ୟୁ ହୋଇଥିଲା ।  

ନାନୁ ଏବଂ ଅଗନୁଙ୍କୁ ଗିରଫ କରି ପୋଲିସ ପଚରା ଉଚରା କରୁଛି । ସେପଟେ ଗୋବର୍ଦ୍ଧନଙ୍କ ଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ଘଟଣାରେ ଆଉ କିଏ କିଏ ସମ୍ପୃକ୍ତ ଅଛନ୍ତି ତାହାର ତଦନ୍ତ କରୁଛି ପୋଲିସ ।

   Related Posts