ନୂଆଦିଲ୍ଲୀ ୨୩/୦୮: ଆଫଗାନିସ୍ତାନରେ ଚାଲିଥିବା ସଙ୍କଟର ସମାଧାନ ନେଇ ସାରା ବିଶ୍ୱ ଏବେ ଚିନ୍ତିତ । ଦେଶକୁ ତାଲିବାନ କବଜା କରିବା ପରେ ସେଠାକାର ନାଗରିକ ତଥା ସମଗ୍ର ବିଶ୍ୱରେ ଭୟର ବାତାବରଣ ରହିଛି । ସେଠାରେ ଥିବା ମହିଳା ଏବଂ ଶିଶୁଙ୍କ ଭବିଷ୍ୟତକୁ ନେଇ ବିଶ୍ୱ ଭୟଭୀତ ଅଛି । ଏହାରି ଭିତରେ ବ୍ରିଟିଶ ପ୍ରଧାନମନ୍ତ୍ରୀ ବୋରିସ୍ ଜନସନ ଘୋଷଣା କରିଛନ୍ତି ଯେ ସେ ଆଫଗାନିସ୍ତାନ ସଙ୍କଟ ବିରୋଧରେ G-7 ବୈଠକରେ ଏନେଇ ଆଲୋଚନା କରାଯିବ ।

ତୁରନ୍ତ ଆଲୋଚନା ପାଇଁ ସେ ମଙ୍ଗଳବାର ଏକ ଜରୁରୀ ବୈଠକ ଡାକିଛନ୍ତି ବୋଲି ବୋରିସ୍ ଜନସନ ରବିବାର ଏକ ଟ୍ୱିଟରେ କହିଛନ୍ତି । ବୋରିସ୍ ଜନସନ ଟ୍ୱିଟ୍ କରି କହିଛନ୍ତି, 'ଆଫଗାନିସ୍ତାନରେ ପ୍ରଭାବିତ ଲୋକଙ୍କୁ ଉଦ୍ଧାର କରିବା, ଏଭଳି ଦୁଃଖଦ ଘଟଣାକୁ ଏଡାଇବା ପାଇଁ ଅନ୍ତର୍ଜାତୀୟ ସମୁଦାୟ କାର୍ଯ୍ୟ କରିବା ଆବଶ୍ୟକ । G-7 ହେଉଛି ବିଶ୍ୱର ସାତୋଟି ବୃହତ ବିକଶିତ ତଥା ଉନ୍ନତ ଅର୍ଥନୀତି ସହିତ ଦେଶର ଏକ ଗୋଷ୍ଠୀ ।

wp:html

I will convene G7 leaders on Tuesday for urgent talks on the situation in Afghanistan. It is vital that the international community works together to ensure safe evacuations, prevent a humanitarian crisis and support the Afghan people to secure the gains of the last 20 years.

— Boris Johnson (@BorisJohnson) August 22, 2021

/wp:html

ଏହି ଦେଶଗୁଡିକ ମଧ୍ୟରେ କାନାଡା, ଫ୍ରାନ୍ସ, ଜର୍ମାନୀ, ଇଟାଲୀ, ଜାପାନ, ବ୍ରିଟେନ ଏବଂ ଆମେରିକା ଅନ୍ତର୍ଭୁକ୍ତ । ଏହି ଗୋଷ୍ଠୀକୁ ଗ୍ରୁପ୍ ଅଫ୍ ସେଭେନ୍ ମଧ୍ୟ କୁହାଯାଏ । ଦୁନିଆର ଶକ୍ତିଶାଳୀ ଦେଶମାନେ ଆଫଗାନିସ୍ତାନ ଦେଖାଦେଇଥିବା ସଙ୍କଟର ସମାଧାନ ଖୋଜି ପାରିବାରେ ସହାୟକ ହେବେ ବୋଲି ମୋର ଆଶା । ତେବେ ଆସନ୍ତାକାଲିର ବୈଠକରେ ସାମିଲ ହେବେ ଆମେରିତା ରାଷ୍ଟ୍ରପତି ଜୋ ବାଇଡ଼େନ୍ ।