ନୂଆଦିଲ୍ଲୀ: ବ୍ରିଟେନରେ ଜାରି ରାଜନୈତିକ ସଂକଟ ଭିତରେ ବୋରିସ ଜନସନ ନିଜ ଇସ୍ତଫାର ଘୋଷଣା କରିଛନ୍ତି । ଗୁରୁବାର ପ୍ରଧାନମନ୍ତ୍ରୀ ଜନସନ ଦେଶକୁ ସମ୍ୱୋଧିତ କରି କନଜରଭେଟିଭ୍ ପାର୍ଟିର ନେତା ପଦରୁ ଇସ୍ତଫା ଦେବାକୁ ଘୋଷଣା କରିଛନ୍ତି । ତେବେ ନୂଆ ନେତା ନିର୍ବାଚିତ ହେବା ପର୍ଯ୍ୟନ୍ତ ସେ ପ୍ରଧାନମନ୍ତ୍ରୀ ଦାୟିତ୍ୱ ତୁଳାଇବେ ବୋଲି କହିଛନ୍ତି।

ସୂଚନା ଅନୁସାରେ, କନଜରଭେଟିଭ ପାର୍ଟିର ନୂଆ ନେତା ଚୟନ ପ୍ରକ୍ରିୟା ଶେଷ ହେବା ଯାଏଁ ସେ ନମ୍ୱର ୧୦ର ପ୍ରଭାରୀ ରହିବେ । ଜନସନ କହିଛନ୍ତି ଟୋରୀର ନୂଆ ନେତା ଚୟନ ପାଇଁ ଆସନ୍ତା ସପ୍ତାହରେ ଗୁରୁତ୍ୱପୂର୍ଣ୍ଣ ଘୋଷଣା ହୋଇପାରେ । ତେବେ ବିବିସିରେ ପ୍ରକାଶ କରିଥିବା ରିପୋର୍ଟ ଅନୁସାରେ, ଆସନ୍ତା ସେପ୍ଟେମ୍ୱରରେ ବ୍ରେଟନକୁ ନୂଆ ପ୍ରଧାନମନ୍ତ୍ରୀ ମିଳିପାରେ ।  

ଦେଶବାସୀଙ୍କୁ ସମ୍ୱୋଧିତ କରି ନିଜ ସଫଳତାକୁ ନେଇ ଗର୍ବିତ ଥିବା ଜନସନ କହିଛନ୍ତି । ତେବେ ଦୁନିଆର ଶ୍ରେଷ୍ଠ ଚାକିରି ଛାଡୁଥିବାରୁ ଦୁଃଖିତ ଥିବା ସେ କହିଛନ୍ତି । ଏହାସହ ନୂତନ ପ୍ରଧାନମନ୍ତ୍ରୀଙ୍କୁ ସମସ୍ତ ପ୍ରକାର ସହଯୋଗ କରିବେ ବୋଲି କହିଛନ୍ତି ।

ଜନସନଙ୍କ ଇସ୍ତଫା ଉପରେ ବ୍ରିଟେନ ବିଦେଶ ମନ୍ତ୍ରୀ ଲିଜ୍ ଟ୍ରୁସ ଟ୍ୱିଟ କରି କହିଛନ୍ତି, ପ୍ରଧାନମନ୍ତ୍ରୀ ପଦରୁ ଓହରିବାକୁ ନିଷ୍ପତ୍ତି ନେଇ ଜନସନଙ୍କ ଠିକ କରିଛନ୍ତି । ନୂଆ ନେତା ଚୟନ ହେବା ପର୍ଯ୍ୟନ୍ତ ଆମେ ଶାନ୍ତ ରହିବା ସହ ଏକତା ବଜାୟ ରଖି ସରକାର ପରିଚାଳନା କରିବା ଦରକାର।

wp:html

The PM has made the right decision.

The Government under Boris's leadership had many achievements - delivering Brexit, vaccines and backing Ukraine.

We need calmness and unity now and to keep governing while a new leader is found.

— Liz Truss (@trussliz) July 7, 2022

/wp:html

ଉଲ୍ଲେଖଯୋଗ୍ୟ ଯେ, ପ୍ରଧାନମନ୍ତ୍ରୀ ବୋରିସ ଜନସନଙ୍କ ଉପରେ ଅବିଶ୍ୱାସ ପ୍ରକଟ କରି ସରକାରରୁ ୫୦ରୁ ଅଧିକ ମନ୍ତ୍ରୀ ଏବଂ ସାଂସଦ ଇସ୍ତଫା ଦେଇସାରିଥିଲେ । ଜନସନଙ୍କ ଉପରେ ଅବିଶ୍ୱାସ ଏତେ ବଢିଥିଲା ଯେ, ୩୬ ଘଣ୍ଟା ତଳେ ନିଯୁକ୍ତ ହୋଇଥିବା ମନ୍ତ୍ରୀ ମିଶେଲ ଡୋନେଲନ ମଧ୍ୟ ଇସ୍ତଫା ଦେଇଥିଲେ।