ମୁମ୍ବାଇ ୦୯।୦୨: କିମ୍ବଦନ୍ତୀ ଅଭିନେତ୍ରୀ ଶ୍ରୀଦେବୀ । ତାଙ୍କୁ କୌଣସି ପରିଚୟର ଆବଶ୍ୟକତା ନାହିଁ । ସେ ନିଜ କ୍ୟାରିୟରରେ ବଲିଉଡକୁ ଅନେକ ହିଟ୍ ଏବଂ ଆଇକନିକ୍ ଫିଲ୍ମ ଭେଟିଦେଇଛନ୍ତି । ବର୍ତ୍ତମାନ ବଡ଼ ପରଦାରେ ଦେଖିବାକୁ ମିଳିବ ଶ୍ରୀଦେବୀଙ୍କ ଝଲକ । ଖୁବଶୀଘ୍ର ଲିଜେଣ୍ଟ ଅଭିନେତ୍ରୀ ଶ୍ରୀଦେବୀଙ୍କ ବାୟୋଗ୍ରାଫି ଫିଲ୍ମ 'ଦି ଲାଇଫ୍ ଅଫ୍ ଲିଜେଣ୍ଡ୍' ଆସୁଛି ।
ଆଜ୍ଞା ହଁ ...ଏନେଇ ଘୋଷଣା କରିଛନ୍ତି ନିଜେ ବୋନି କପୁର । ସେ ନିଜେ ତାଙ୍କ ପତ୍ନୀ ଶ୍ରୀଦେବୀଙ୍କ ଜୀବନୀକୁ ନେଇ ଫିଲ୍ମ ତିଆରି କରିଛନ୍ତି । ବାସ୍ତବରେ, ଜଣେ ବୁକ୍ ପବ୍ଲିସର ଶ୍ରୀଦେବୀଙ୍କ ଅଫିସିଆଲ୍ ଜୀବନୀ ଉପରେ କାମ କରୁଛନ୍ତି । ଶ୍ରୀଦେବୀଙ୍କ ଫ୍ୟାନ୍ସମାନେ ଖୁବଶୀଘ୍ର ତାଙ୍କର ପ୍ରିୟ ଅଭିନେତ୍ରୀଙ୍କ ଜୀବନୀ ଦେଖିବାକୁ ପାଇବେ ।
wp:html/wp:html
ଏନେଇ ବୋନି କପୁର କନଫର୍ମ କରିଛନ୍ତି । ବୋନି କପୁର ଏକ ସାକ୍ଷାତକାରରେ କହିଛନ୍ତି ଯେ, ‘ଶ୍ରୀଦେବୀ ଜଣେ ପ୍ରକୃତରେ ଶକ୍ତି ଥିଲେ, ସେ ଯେତେବେଳେ ତାଙ୍କ ଫ୍ୟାନ୍ସଙ୍କ ପାଇଁ ନିଜ କଳାକୁ ସେୟାର କରୁଥିଲେ, ସେତେବେଳେ ସେ ବହୁତ ଖୁସି ହେଉଥିଲେ’ । ସେ ଆହୁରି ମଧ୍ୟ କହିଛନ୍ତି ଯେ ‘ସେ ଜଣେ ନିର୍ଭିକ ବ୍ୟକ୍ତିତ୍ବ ଥିଲେ’ । ସେ କହିଛନ୍ତି ଯେ ଏହି ଫିଲ୍ମରେ କିମ୍ବଦନ୍ତ୍ରୀ ଅଭିନେତ୍ରୀଙ୍କ ଜୀବନର ପ୍ରତ୍ୟକଟି ସମୟର ଦୃଶ୍ୟ ଦେଖାଯିବ ।
ଶ୍ରୀଦେବୀ ତାଙ୍କ ୩୦ ବର୍ଷର କ୍ୟାରିଅରରେ ପ୍ରାୟ ୩୦୦ ଫିଲ୍ମରେ କାମ କରିଛନ୍ତି । ଯେଉଁଥିରେ ତାମିଲ, ତେଲୁଗୁ, ମାଲାୟାଲମ୍, କନ୍ନଡ ଏବଂ ହିନ୍ଦୀ ଭାଷାରେ ଫିଲ୍ମ ଅନ୍ତର୍ଭୁକ୍ତ । ଶ୍ରୀଦେବୀ ପ୍ରଥମେ ୧୯୭୮ ମସିହାରେ ଫିଲ୍ମ 'ସୋଲବା ସାୱାନ' ସହିତ ବଲିଉଡରେ ଡେବ୍ୟୁ କରିଥିଲେ । ତେବେ ଫେବୃଆରୀ ୨୦୧୮ରେ କିମ୍ବଦନ୍ତୀ ଅଭିନେତ୍ରୀ ଶ୍ରୀଦେବୀ ଦେହାନ୍ତ ହୋଇଥିଲା ।
