ବେଙ୍ଗାଲୁରୁ: କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ବସଭରାଜ ବୋମ୍ମାଇ ବରିଷ୍ଠ ବିଜେପି ନେତା ବିଏସ ୟେଦିୟୁରପ୍ପାଙ୍କୁ ଭେଟି ଆଲୋଚନା କରିଛନ୍ତି । ଏହି ଆଲୋଚନା ଏପରି ସମୟରେ ହୋଇଛି, ଯେତେବେଳେ ଦଳ ଭିତରେ ବିରୋଧୀ ନେତା କିଏ ହେବେ ତାକୁ ନେଇ ଚର୍ଚ୍ଚା ଜାରି ରହିଛି ।

କର୍ଣ୍ଣାଟକ ନିର୍ବାଚନରେ ବିଜେପିକୁ ବିରୋଧୀ ଦଳ ଆସନ ବସାଇଥିଲେ ରାଜ୍ୟର ଜନତା । ତେବେ ବର୍ତ୍ତମାନ ସୁଦ୍ଧା ବିରୋଧୀ ଦଳ ନେତା କିଏ ହେବେ ତାକୁ ନେଇ ବିଜେପି କୌଣସି ନିଷ୍ପତ୍ତି ନେଇ ନାହିଁ । ଗତ ମଇ ୧୩ରେ କର୍ଣ୍ଣାଟକ ବିଧାନସଭା ନିର୍ବାଚନ ପରିମାଣ ଆସିଥିଲା ।

ପଢନ୍ତୁ: କର୍ଣ୍ଣାଟକରେ କଂଗ୍ରେସ୍‌କୁ ଜିତାଇଥିବା ସୁନୀଲ କାନୁଗୋଲୁଙ୍କୁ ମିଳିଲା ପୁରସ୍କାର, ଦିଆଗଲା ଏହି ଗୁରୁତ୍ୱପୂର୍ଣ୍ଣ ଦାୟିତ୍ୱ

ଏହା ପୂର୍ବରୁ ବସଭରାଜ ବୋମ୍ମାଇ ମେ ୨୯ରେ କଂଗ୍ରେସ ସରକାରକୁ ଟାର୍ଗେଟ କରିଥିଲେ । ସେ କହିଥିଲେ ଯେ କଂଗ୍ରେସ ନିର୍ବାଚନ ସମୟରେ ଦେଇଥିବା ପାଞ୍ଚ ଗ୍ୟାରେଣ୍ଟିର କ୍ରିୟାନ୍ୱୟନକୁ ନେଇ ଜନତାଙ୍କୁ ଧୋକା ଦେଇଛି । ଉଲ୍ଲେଖଯୋଗ୍ୟ ଯେ ନିକଟରେ ହୋଇଥିବା ବିଧାନସଭା ନିର୍ବାଚନରେ କଂଗ୍ରେସ ବହୁମତ ହାସଲ କରିଥିଲା । ୨୨୪ ସଦସ୍ୟ ବିଶିଷ୍ଟ ବିଧାନସଭାରେ କଂଗ୍ରେସକୁ ୧୩୫ ଆସନ ମିଳିଥିଲା । ଅନ୍ୟପଟେ ବିଜେପିକୁ ୬୬ ଏବଂ ଜେଡିଏସକୁ ୧୯ ଆସନ ମିଳିଥିଲା ।

READ ALSO: ଜୁନ୍ ୧୭ରେ ଓଡ଼ିଶା ଆସିବେ ଅମିତ ଶାହ, ୨୨ରେ ବିଜେପି ସଭାପତି ଜେପି ନଡ୍ଡା