୩ ଜଣିଆ କମିଟି ୨୫ ପୃଷ୍ଠାର ତଦନ୍ତ ରିପୋର୍ଟ ସରକାରଙ୍କୁ ପ୍ରଦାନ କରିଛି | ରିପୋର୍ଟରେ ବିଭିନ୍ନ ଦିଗ ସମ୍ପର୍କରେ ଉଲ୍ଲେଖ ରହିଛି | ସମ୍ପୃକ୍ତ ସଂସ୍ଥା ଯେଉଁ କାମ ପାଇଁ ଯେଉଁ ଶ୍ରମିକ ଆବଶ୍ୟକ ସେ ଶ୍ରମିକଙ୍କୁ ଲଗାଇନଥିଲା | ଶ୍ରମିକମାନଙ୍କ ପାଇଁ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇନଥିଲା | ଏପରିକି ରଡ ବାନ୍ଧିବା ସମୟରେ ଯାଞ୍ଚ ପାଇଁ ପୂର୍ତ୍ତ ବିଭାଗକୁ ଚିଠି ଲେଖିବା କଥା କିନ୍ତୁ ତାହା ମଧ୍ୟ ସଂସ୍ଥା କରିନଥିଲା | ଗତକାଲିଠାରୁ ବମିଖାଲ ଓ ଲିଙ୍ଗରାଜ ଫ୍ଲାଏଓଭର କାମ ହାତକୁ ନେଇଛନ୍ତି ନିଜେ ରାଜ୍ୟ ସରକାର | କାମ ସରିବା ପରେ ଥାର୍ଡ ପାର୍ଟି ଯାଞ୍ଚ କରିବ | ଯାଞ୍ଚ ପରେ ଫ୍ଲାଏଓଭର ଉଦ୍ଘାଟନ ହେବା ବୋଲି ମନ୍ତ୍ରୀ ଓ ସଚିବ କହିଛନ୍ତି | ଆସନ୍ତାକାଲିଠାରୁ ବମିଖାଲ ଫ୍ଲାଏଓଭରର କାମ ଆରମ୍ଭ ହେବ | ଯେଉଁ ସରକାରୀ କର୍ମଚାରୀ ଫ୍ଲାଏଓଭର କାମ ଦାୟିତ୍ବରେ ଥିଲେ , ସେମାନଙ୍କୁ କୈଫତ ତଲବ କରିବେ ସରକାର | ଲିଙ୍ଗରାଜ ଓଭରବ୍ରିଜର ଦୁଇଟି ସ୍ପାନ୍ର ଛାତ ପଡିବା ବାକି ଅଛି | ଏହି ରାସ୍ତା କାମ ଖୁବଶୀଘ୍ର ସରିବ | ସମ୍ବଲପୁର ଓ ଜଟଣୀ ଫ୍ଲାଏଓଭର କାମରେ କଣ ଆଇନଗତ କାର୍ଯ୍ୟାନୁଷ୍ଠାନ ନିଆଯାଇପାରିବ ସେନେଇ ସରକାର ପଦକ୍ଷେପ ନେବେ ପୂର୍ତ୍ତ ବିଭାଗ ମନ୍ତ୍ରୀ ପ୍ରଫୁଲ୍ଲ ମଲ୍ଲିକଙ୍କ ସୂଚନା |