ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ORHDC ଦୁର୍ନୀତି ମାମଲା, IAS ବିନୋଦ କୁମାରଙ୍କ ସହ ୬ ଜଣଙ୍କୁ ଜେଲ୍‌ଦଣ୍ଡ ଶୁଣାଇଲେ ସ୍ପେଶାଲ୍‌ ଜଜ୍‌
  • ||
  • ଫିରୋଜାବାଦରେ ଛାତିଥରା ଅଗ୍ନିକାଣ୍ଡ, ଜିଅନ୍ତା ଜଳିଗଲେ ପରିବାରର ୬ଜଣ
  • ||
  • କୁହୁଡ଼ି ନେଲା ଜୀବନ; ରାସ୍ତା ଦେଖାନଯିବାରୁ ବସ୍‌କୁ ପିଟିଲା ଟ୍ରକ୍, ଦୁର୍ଘଟଣାରେ ଚାଲିଗଲା ୬ ଜୀବନ
  • ||
  • ଇଡିରେ ହାଜର ହେଲେ ଅବିନାଶ ପ୍ରିୟଦର୍ଶୀ, ସୁପ୍ରିମ ଅଟୋ ମୋବାଇଲ ମୁଖ୍ୟ ପରିଚାଳକ ହେଲେ ଅବିନାଶ
  • ||

ଟାଟା- ବମ୍ବେ ଡାଇଙ୍ଗ୍ ବିବାଦ ତୁଟିଲା : ୩ ହଜାର କୋଟି ଟଙ୍କାର ମାନହାନୀ ମୋକଦ୍ଦମା ଉଠାଇନେଲେ ନୁସଲି ୱାଡିଆ

13/01/2020 at 8:25 PM

ମୁମ୍ବାଇ ୧୩/୦୧ – କର୍ପୋରେଟ ୱାର୍ଲ୍ଡର ଏକ ବଡ ଖବର । ରତନ ଟାଟାଙ୍କ ସହ ନୁସଲି ୱାଡିଆଙ୍କ ବିବାଦରେ ପୂର୍ଣ୍ଣଚ୍ଛେଦ । ବମ୍ବେ ଡାଇଙ୍ଗ୍‌ ଅଧ୍ୟକ୍ଷ  ନୁସଲି ୱାଡିଆ  ଟାଟା ଗ୍ରୁପ୍ ଚେୟାରମ୍ୟାନ୍‌ଏମିରେଟ୍ସ  ରତନ ଟାଟା ଏବଂ ଅନ୍ୟମାନଙ୍କ ବିରୋଧରେ ଦାୟର କରିଥିବା ସମସ୍ତ ଅପରାଧିକ  ମାନହାନୀ ମାମଲା  ପ୍ରତ୍ୟାହାର କରିନେଇଛନ୍ତି  । ଏହି ମାମଲା ଗୁଡିକ ମଧ୍ୟରେ ରହିଛି ୩୦୦୦ କୋଟି ଟଙ୍କାର ଡ୍ୟାମେଜ ସୁଟ୍‌ ସହ ଆଉ କିଛି ମାମାଲା । ରତନ ଟାଟା ଏବଂ ଟାଟା ସନ୍ସର  ଅନ୍ୟ ନିର୍ଦ୍ଦେଶକଙ୍କ ବିରୋଧରେ  ୨୦୧୬ରେ ହିଁ  ଏହି ସବୁ  ମାମଲା ରୁଜ୍ଜୁ କରିଥିଲେ ବମ୍ବେ ଡାଇଙ୍ଗ ଚେୟାରମ୍ୟାନ୍ ।  ଟାଟା ଗ୍ରୁପ୍‌ କମ୍ପାନୀ ସମୁହର ବୋର୍ଡରୁ ତାଙ୍କୁ ବିଦା କରାଯିବା ପରେ କ୍ଷୁବ୍ଧ ନୁସଲି ୱାଡିଆ ଏହି ମାମାଲା ସବୁ ରୁଜ୍ଜୁ କରିଥିଲେ

ସୁପ୍ରିମକୋର୍ଟରେ ଏହି ମାମାଲା ଚାଲିଥିବା ବେଳେ ସୋମବାର ନୁସଲି ୱାଡିଆ କେଶ୍‌ ସବୁ ପ୍ରତ୍ୟାହାର କରିନେଇଛନ୍ତି । ପ୍ରଧାନବିଚାରପତି  ଏସ.ଏ. ବୋବଡେଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏଥିଲାଗି ଅନୁମତି ଦେଇଛନ୍ତି ।  ନୁସଲି ୱାଡିଆଙ୍କୁ ଅପମାନିତ କରିବାର କୌଣସି ଉଦ୍ଦେଶ୍ୟ  ଟାଟା ଏବଂ ଅନ୍ୟମାନହ୍କର ନଥିଲା । ଏହା ରେକର୍ଡ କରିବା ପରେ ସର୍ବୋଚ୍ଚ ଅଦାଲତ ନୁସଲି ୱାଡିଆଙ୍କୁ ତାଙ୍କ କେଶ୍‌ ସବୁକୁ ପ୍ରତ୍ୟାହାର ଲାଗି ଅନୁମତି ଦେଇଥିଲେ ।  ଟାଟାଙ୍କ ପକ୍ଷରୁ ଏନେଇ ବିବୃତ୍ତିକୁ ସୁପ୍ରିମକୋର୍ଟ ବିଚାର କରିବା ସହ ହାଇକୋର୍ଟଙ୍କ ନିର୍ଦ୍ଦେଶ ବି ଅନୁଧ୍ୟାନ କରିଥିଲେ । ଏହାପରେ କୋର୍ଟ ୱାଡିଆଙ୍କ କେଶ୍‌ ପ୍ରତ୍ୟାହାର ଆବେଦନକୁ ଗ୍ରହଣ କରିଥିବା ତାଙ୍କ ଓକିଲ ସି.ଏ. ସୁନ୍ଦରମ୍‌ଙ୍କୁ ଜଣାଇଥିଲେ । ଏହା ପୂର୍ବରୁ ଗତ ୬ ତାରିକାରେ ସର୍ବୋଚ୍ଚ ଅଦାଲତ ଉଭୟ ଟାଟା ଏବଂ ୱାଡିଆଙ୍କୁ ଏକାଠି ବସି ସେମାନଙ୍କ ଭିତରେ ଥିବା ବିବାଦ ଏବଂ ମାନହାନୀ ମୋକଦ୍ଦମା ସମାଧାନ ଲାଗି  କହିଥିଲେ । ପ୍ରଧାନ ବିଚାରପତିଙ୍କ ଅଧ୍ୟକ୍ଷତାରେ ଗଠିତ ବେଞ୍ଚରେ ବିଚାରପତି ବି.ଆର୍.ଗାବାଇ ଏବଂ ବିଚାରପତି ସୂର୍ଯ୍ୟକାନ୍ତ ମାମାଲାର ଶୁଣାଣି କରିଛନ୍ତି ।

୨୦୧୬ ରେ ଟାଟା ଗ୍ରୁପ୍‌ର କିଛି କମ୍ପାନୀ ନିର୍ଦ୍ଦେଶକ ଟାଟା ବୋର୍ଡରୁ ନୁସଲି ୱାଡିଆଙ୍କ ବହିଷ୍କାର ଲାଗି ଭୋଟ ଦେଇଥିଲେ । ଏହାପରେ ଟାଟା ବନାମ ୱାଡିଆ ବା ଟାଟା ବନାମ ବମ୍ବେ ଡାଇଙ୍ଗ ବିବାଦ  ତୀବ୍ର ହୋଇଥିଲା । ୨୦୧୬ ଅକ୍ଟୋବର ୨୪ ରେ ଟାଟା ସନ୍ସ ଅଧ୍ୟକ୍ଷ ପଦରୁ ସାଇରସ୍‌ ମିସ୍ତ୍ରୀଙ୍କୁ ବିଦା କରାଯିବା ପରେ ୱାଡିଆ ଆଣିଥିଲେ ଅଭିଯୋଗ । ମିସ୍ତ୍ରୀଙ୍କୁ ବିଦା କରିବାପରେ ଟାଟା ଏବଂ ଅନ୍ୟମାନେ ତାଙ୍କ ବିରୋଦରେ ମାନହାନୀ କଲା ଭଳି ବକ୍ତବ୍ୟ ରକୁଥିବା ନେଇ ୱାଡିଆ ଅଭିଯୋଗ କରିଥିଲେ । ମାମାଲା କୋର୍ଟକୁ ଯାଇଥିଲା । ତେବେ ମାମାଲା ଖାରଜ ପାଇଁ ଟାଟା ଏବଂ ଅନ୍ୟମାନେ ହାଇକୋର୍ଟରେ ଆବେଦନ କରିଥିଲେ । ଏବେ ପ୍ରାୟ ୩ ବର୍ଷରୁ ଅଧିକ ସମୟ ପରେ ଏହି ବିବାଦରେ ଫୁଲଷ୍ଟପ୍‌ ଲାଗିଛି ।

   Related Posts