ବ୍ରହ୍ମପୁର ୩୦।୦୯ : ପୂର୍ବତନ ବ୍ରହ୍ମପୁର ମେୟରଙ୍କ ଗାଡି ଉପରକୁ ବୋମାମାଡ଼ । ଗଞ୍ଜାମ ଜିଲ୍ଲା ଗୋଷାଣୀନୂଆଗାଁ ବଡ଼ସାହି ଠାରେ ବ୍ରହ୍ମପୁର ମହାନଗର ନିଗମର ପୂର୍ବତନ ମେୟର ଶିବଶଙ୍କର ଦାଶଙ୍କ ଗାଡି ଉପରକୁ ବୋମାମାଡ଼ ହୋଇଛି । ଏଥିରେ କେହି ଆହତ ହୋଇଥିବା ବେଳେ ଗାଡିର ଆଗ ଭାଗଟି ଭାଙ୍ଗି ଯାଇଥିବା ଦେଖିବାକୁ ମିଳିଛି ।

ଖବର ଅନୁଯାୟୀ, ଶୁକ୍ରବାର ରାତି ୧୦ ଟା ସମୟରେ କାମ ସାରି କାର୍‌ ଯୋଗେ ଘରକୁ ଫେରୁଥିଲେ । ଏହି ସମୟରେ କିଛି ଦୁର୍ବୃତ୍ତ ଅଚାନକ ଭାବେ ଗୋଷାଣୀନୂଆଗାଁ ବଡ଼ସାହି ନିକଟରେ ବୋମାମାଡ଼ କରିଥିଲେ । ବୋମାମାଡ଼ରେ କାର୍‌ର ଆଗ କାଚ ଭାଙ୍ଗି ନଷ୍ଟ ହୋଇଥିବା ବେଳେ ସୌଭାଗ୍ୟବଶତଃ କେହି ଆହତ ହୋଇନାହାନ୍ତି ।

ସେପଟେ ଖବର ପାଇ ଘଟଣାସ୍ଥଳେ ଟାଉନ ଏସଡିପିଓ ରାଜୀବ ଲୋଚନ ପଣ୍ଡା, ଗୋଶାଣୀନୁଆ ଥାନା ଅଧିକାରୀ ସ୍ମୃତି ପ୍ରଭା ପ୍ରଧାନ ଓ  ଟାଉନ ଥାନା ଅଧିକାରୀ ସୁରେଶ ତ୍ରିପାଠୀ  ପ୍ରମୁଖ ପହଞ୍ଚି ତନାଘନା କରିଛନ୍ତି । ତେବେ କିଏ କାହିଁକି ବୋମାମାଡ଼ କରିଛି ନା ଆଉ କଣ ଏହା ପଛରେ କାରଣ ରହିଛି । ସେନେଇ ପୋଲିସ ତଦନ୍ତ କରୁଛି।