ଘର ଉପରକୁ ବୋମାମାଡ, ଜଳିପୋଡି ନଷ୍ଟ ହୋଇଗଲା ଆସବାବପତ୍ର

Published By : Prameya-News7 Bureau | May 09, 2023 IST

ତେଲକୋଇ ୯।୫: ରାତି ଅଧରେ ଘର ଉପରକୁ ବୋମାମାଡ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ତେଲକୋଇ ଥାନା ଅନ୍ତର୍ଗତ କରମଙ୍ଗି ପଞ୍ଚାୟତ ପଡିଆପଶି ଗାଁ ପୋଢେଝୋଲ ସାହିରେ ।

{"id":783800,"width":738,"height":383,"sizeSlug":"full","linkDestination":"none"}

ସୂଚନାଯୋଗ୍ୟ ଯେ, ସୋମବାର ବିଳମ୍ବିତ ରାତିରେ ସାହିର କିର୍ତନ ନାୟକଙ୍କ ପରିବାର ଖାଇପିଇ ଘର ଅଗଣାରେ ଶୋଇଥିବା ବେଳେ ଦୁର୍ବୃତ୍ତମାନେ ଘରର ପଛପଟ ଝରକାରେ ପ୍ରଥମେ ପେଟ୍ରୋଲ ଢାଳିଥିଲେ । ପରେ ଘର ଭିତରକୁ ବୋମା ଫିଙ୍ଗିଥିଲେ । ଫଳରେ ଘର ଭିତରେ ନିଆଁ ଲାଗିଯାଇଥିଲା । ବୋମା ଶବ୍ଦ ଶୁଣି ଘର ଲୋକ ଉଠିପଡିଥିଲେ । ହେଲେ କ’ଣ ହେଉଛି କିଛି ଜାଣି ପାରିନଥିଲେ । ଶବ୍ଦ ଏତେ ଜୋର ଥିଲା ସାହିଲୋକେ ମଧ୍ୟ ଉଠି କିର୍ତନଙ୍କ ଘରକୁ ଦୌଡ଼ିଥିଲେ ।

{"id":783798,"width":738,"height":406,"sizeSlug":"full","linkDestination":"none"}

ସାହିଲୋକ ଆସିବା ଦେଖି ଦୁର୍ବୃତ୍ତମାନେ ଜଙ୍ଗଲ ଆଡକୁ ଦୌଡ଼ି ପଳାଇଥିଲେ । ଘରର ଝରକା ପଟେ ନିଆଁ ଲାଗୁଥିବା ଦେଖି ସାହି ଲୋକ ଘର ଲୋକଙ୍କୁ ଜଣାଇଥିଲେ । ନଳକୂପରୁ ପାଣି ଆଣି ସାହିଲୋକ ଓ ପରିବାର ଲୋକ ନିଆଁକୁ ଆୟତ୍ତ କରିଥିଲେ । ଘର ଭିତରେ ଥିବା ସମସ୍ତ ଆସବାବପତ୍ର ଜଳିପୋଡି ନଷ୍ଟ ହୋଇଯାଇଛି । ଏନେଇ ପରିବାର ପକ୍ଷରୁ ତେଲକୋଇ ଥାନାରେ ଅଭିଯୋଗ ହୋଇଛି । ଘଟଣାସ୍ଥଳରେ ପହଞ୍ଚି ପୋଲିସ ତଦନ୍ତ ଆରମ୍ଭ କରିଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.