ନୂଆଦିଲ୍ଲୀ ୧୪।୦୯: ବଲିଉଡର ନାମୀଦାମୀ ସେଲିବ୍ରେଟି । କୋଟିକୋଟିର କରନ୍ତି ରୋଜଗାର । ଖାସ୍ କରି ନିଜ ଲାଇଫ ଷ୍ଟାଇଲ୍କୁ ନେଇ । ଏମାନଙ୍କ ସୁରକ୍ଷା ପାଇଁ ରହିଥାନ୍ତି ବ୍ୟକ୍ତିଗତ ବଡିଗାର୍ଡ । ସେଲିବ୍ରେଟି ସୁରକ୍ଷା ପାଇଁ ଏମାନେ ନେଇଥାନ୍ତି ମୋଟା ଅଙ୍କର ଫି । ବଲିଉଡର କିଙ୍ଗଖାନ ଶାହରୁଖ ହୁଅନ୍ତୁ କି ବଲିଉଡ ବିଗ-ବି ଅମିତାଭ ବଚ୍ଚନ, ସମସ୍ତଙ୍କ ବଡିଗାର୍ଡଙ୍କ ଦରମା ଲକ୍ଷ ଲକ୍ଷ ଟଙ୍କା । ୩ ଖାନଙ୍କ ବଡିଗାର୍ଡ ହେଉଛନ୍ତି ଅଧିକ ଦରମା ସୁରକ୍ଷାକର୍ମୀ ।
ଲିଷ୍ଟର ପ୍ରଥମରେ ରହିଛନ୍ତି କିଙ୍ଗଖାନ ଶାହରୁଖଙ୍କ ବଡିଗାର୍ଡ । ତାଙ୍କ ନାଁ ରବି ସିଂ । ତାଙ୍କର ଚାହିଦା ସମସ୍ତଙ୍କଠୁ ଭିନ୍ନ । ସେ ବାର୍ଷିକ ପ୍ରାୟ ୨.୭ କୋଟି ନେଇଥାନ୍ତି ଦରମା । ଏହାପଛକୁ ଅଛନ୍ତି ସଲମାନଙ୍କ ବଡିଗାର୍ଡ ସେରା । ସେ ମାସିକ ୧୫ ଲକ୍ଷ ନେଇଥାନ୍ତି । ସେହି ହିସାବରେ ତାଙ୍କର ବାର୍ଷିକ ଦରମା ହେଉଛି ୨ କୋଟି । ତାଙ୍କର ଏହି ରୋଜଗାର ଜଣେ ସାଧାରଣ ଚାକିରିଆଠୁ ଢେର ଅଧିକ ।
ଏହାପଛକୁ ଅଛନ୍ତି ମିଷ୍ଟର ପରଫେକ୍ଟ ଅମୀର ଖାନ୍ । ତାଙ୍କ ବଡିଗାର୍ଡ ଅଛନ୍ତି ୟୁବରାଜ ଗୋରପଡେ । ସେ ମଧ୍ୟ ବାର୍ଷିକ ନେଇଥାନ୍ତି ୨କୋଟି । ସେହିପରି ଅକ୍ଷୟ କୁମାରଙ୍କ ବଡିଗାର୍ଡ ହେଉଛନ୍ତି ଶ୍ରେୟସ । ତାଙ୍କର ବାର୍ଷିକ ଆୟ ପ୍ରାୟ ୧.୨ କୋଟି । ସେହିଭଳି ବଲିଉଡ ସୁନ୍ଦରୀ କ୍ୟାଟ୍ରିନା କୈଫ ମଧ୍ୟ ଜଣେ ବଡିଗାର୍ଡ ରଖିଛନ୍ତି । ଯାହାଙ୍କ ନାମ ଦୀପକ ସିଂହ । ଅଭିନେତ୍ରୀ କ୍ୟାଟ୍ରିନାଙ୍କ ଏହି ବଡିଗାର୍ଡ ବର୍ଷକୁ ନିଅନ୍ତି ପ୍ରାୟ ୧.୨ କୋଟି ।
ଅମିତାଭ ବଚ୍ଚନଙ୍କ ସୁରକ୍ଷାକର୍ମୀ ଜିତେନ୍ଦ୍ର ଶିନ୍ଦେ ବର୍ଷକୁ ୧.୫ କୋଟି ନିଅନ୍ତି । ସେହିପରି କିଙ୍ଗ କୋହଲିଙ୍କ ପତ୍ନୀ ଅନୁଷ୍କା ଶର୍ମାଙ୍କ ବଡିଗାର୍ଡ ହେଉଛନ୍ତି ପ୍ରକାଶ ସିଂହ । ସେ ବାର୍ଷିକ ନେଇଥାନ୍ତି ୧.୨ କୋଟି । ସେହିଭଳି ଅଭିନେତ୍ରୀ ଦୀପିକା ପାଦୁକୋଣଙ୍କ ବ୍ୟକ୍ତିଗତ ସୁରକ୍ଷାକର୍ମୀ ଜଲାଲ ପ୍ରାୟ ୧.୨ କୋଟି ଟଙ୍କା ନିଅନ୍ତି ।
